ஐக்கிய மக்கள் சக்தியின் (SJB) எஞ்சிய தேசியப் பட்டியல் நாடாளுமன்ற உறுப்பினர் பதவிகளுக்கான வேட்பாளர்கள் தொடர்பில் இன்று (22) இறுதித் தீர்மானம் எடுக்கப்படவுள்ளது.
அதன்படி, இது தொடர்பான தீர்மானம் இன்று எடுக்கப்படும் என அக் கட்சியின் சிரேஷ்ட பேச்சாளர் ஒருவர் தெரிவித்தார்.
2024 நாடாளுமன்றத் தேர்தலில் ஐக்கிய மக்கள் சக்தி, 5 தேசியப் பட்டியல் நாடாளுமன்ற உறுப்பினர் ஆசனங்களை வென்றுள்ளதுடன், அதன் செயலாளர் நாயகம் ரஞ்சித் மத்தும பண்டார அவற்றில் ஒன்றில் ஏற்கனவே சத்தியப்பிரமாணம் செய்துகொண்டுள்ளார்.
இதன்படி, எஞ்சிய 4 தேசியப்பட்டியல் நாடாளுமன்ற உறுப்பினர் பதவிகளுக்கான பெயர்கள் இன்று தேர்தல்கள் ஆணைக்குழுவிற்கு அனுப்பி வைக்கப்படும் என பேச்சாளர் மேலும் தெரிவித்தார்.
