மேற்கு வங்க மாநிலம் கொல்கத்தாவில் உள்ள உல்டடாங்கா (Ultadanga) பகுதியில் ஞாயிற்றுக்கிழமை (24) பாரிய தீ விபத்து ஏற்பட்டுள்ளது.
ஞாயிற்றுக்கிழமை காலை 07.30 மணியளவில் ஏற்பட்ட இந்த தீ விபத்தில் குறைந்தது 10 வீடுகள் எரிந்து நாசமாகியுள்ளதாக இந்திய தீயணைப்புத் துறை அதிகாரிகள் தெரிவித்தனர்.
தகவல் அறிந்ததும் தீயணைப்பு துறையினர் சம்பவ இடத்திற்கு விரைந்து வந்து தீயை அணைக்கும் பணியில் ஈடுபட்டனர்.
இதற்காக ஆறு தீயணைப்பு வாகனங்களும் பயன்படுத்தப்பட்டுள்ளன.
தீ விபத்திற்கான காரணம் மற்றும் தீ விபத்தினால் ஏற்பட்ட சேதம் இன்னும் மதிப்பிடப்படவில்லை.
