நித்திலன் சாமிநாதன் இயக்கத்தில், விஜய் சேதுபதி நடித்த தமிழ் சூப்பர்ஹிட் திரைப்படமான மஹாராஜா, எதிர்வரும் நவம்பர் 29 அன்று சீனாவில் திரையரங்குகளில் வெளியிடப்பட உள்ளது.
கிழக்கு லடாக்கில் ஏற்பட்ட மோதலைத் தீர்ப்பதற்கு இரு நாடுகளுக்கும் இடையிலான உறவுகள் இயல்பாக்கப்பட்ட பின்னர் சீன பார்வையாளர்களுக்காக திரையிடப்படும் முதல் இந்திய திரைப்படம் இதுவாகும்.
திரைப்படத்தின் வெளியீட்டை முன்னிட்டு அதன் டிரெய்லர் அண்மையில் சீன திரையரங்குகளில் வெளியிடப்பட்ட போது ரசிகர்கள் நல்ல ஆர்வத்துடன் அதனை பார்வையிட்டனர்.
2024 ஜூன் 14 அன்று திரையரங்குகளில் வெளியிடப்பட்ட இத் திரைப்படம் விமர்சகர்கள் மற்றும் பார்வையாளர்கள் மத்தியில் நல்ல வரவேற்ப்பையும் பெற்றது.
அதேநேரம் இந்த ஆண்டில் அதிகம் வசூல் செய்த (71.3 கோடி) தமிழ் திரைப்படங்களில் ஒன்றாகவும் இதுவுள்ளது.
இப்படத்தில் விஜய் சேதுபதி தவிர, அனுராக் காஷ்யப், மம்தா மோகன்தாஸ், மற்றும் நடராஜன் சுப்ரமணியம் ஆகியோர் முக்கிய வேடங்களில் நடித்துள்ளமையும் குறிப்பிடத்தக்கது.
