பிரபல மலையாள நடிகர் மோகன்லால் முதன் முறையாக இயக்கியுள்ள பரோஸ் திரைப்படத்தின் Virtual 3D Trailer தற்போது வெளியாகி ரசிகர்கள் மத்தியில் மிகுந்த வரவேற்பைப் பெற்றுள்ளது.
இந்த படத்தில் குரு சோமசுந்தரம், மீரா ஜாஸ்மின், ஸ்பானிஷ் நடிகை பாஸ் வேகா, ரபேல் அமர்கோ உட்பட பலர் நடித்துள்ளனர். இந்த படத்தை அந்தோணி பெரும்பாவூர் தயாரித்துள்ளார்.
குழந்தைகளை கவரும் விதமாக உருவாகியுள்ள இந்த படத்துக்கு சந்தோஷ் சிவன் ஒளிப்பதிவு செய்துள்ளார். லிடியன் நாதஸ்வரம் இசை அமைத்துள்ளார். 3டி-யில் உருவாகும் இந்த படம், பான் இந்தியா முறையில் வெளியாக இருக்கிறது.
வாஸ்கோட காமாவின் மதிப்புமிக்க பொக்கிஷங்களைப் பாதுகாத்த, பாதுகாவலரான பரோஸ் என்பவரின் வாழ்க்கை கதைதான் இது எனக் கூறப்படுகின்றது.
திரைப்படம் வரும் கிறிஸ்துமஸ்-ஐ முன்னிட்டு டிசம்பர் 25 ஆம் திகதி வெளியாகவுள்ளது. திரைப்படத்தின் தமிழ் டிரெய்லரை தற்பொழுது படக்குழு வெளியிட்டுள்ளது. இதனை விர்ச்சுவன் 3டி தொழில்நுட்பத்தில் உருவாக்கியுள்ளனர்.
படத்தின் டிரெய்லரை நடிகர் விஜய் சேதுபதி சிவகார்த்திகேயன் மற்றும் விஜய் ஆண்டனி அவர்களது எக்ஸ் தளத்தில் வெளியிட்டுள்ளனர் என்பதும் குறிப்பிடத்தக்கது.
