நாடாளுமன்றத்தில் ஹேஷா விதானகே எம்.பி. கூறிய குற்றச்சாட்டுகளை ஸ்ரீலங்காகிரிக்கெட் (SLC) கடுமையாக மறுத்துள்ளதுடன், அவை அடிப்படையற்றவை மற்றும் பொய்யானவை என்றும் கூறி நிராகரித்துள்ளது.
மார்ச் 18 அன்று நடந்த நாடாளுமன்ற விவாதத்தின் போது, எம்.பி. ஹேஷா விதானகே அப்போதைய பொலிஸ்மா அதிபர் தேசபந்து தென்னகோனுக்கு ஸ்ரீலங்கா கிரிக்கெட் நிறுவனம் ரூ. 150,000 சம்பளம் வழங்கியதாகவும், அவருக்கு மடிக்கணினி, மொபைல் போன் மற்றும் பிற சலுகைகளை வழங்கியதாகவும், இந்த நடவடிக்கைகள் இலஞ்சம் கொடுத்ததாகக் குற்றம் சாட்டினார்.
இந்த நிலையில் இதற்கு பதிலளித்துள்ள ஸ்ரீலங்கா கிரக்கெட், தென்னக்கோனுக்கு எந்தப் பணமோ அல்லது சலுகைகளோ வழங்கவில்லை என்றுக் கூறியது.
சர்வதேச கிரிக்கெட் நிகழ்வுகளுக்கான பாதுகாப்பு ஏற்பாடுகளுக்கு உறுதிபூண்டுள்ளதாகவும், பாதுகாப்பை உறுதி செய்வதற்காக மூத்த காவல்துறை அதிகாரிகள் உட்பட பாதுகாப்புப் பணியாளர்களுடன் தொடர்ந்து ஈடுபடுவதாகவும் குறிப்பிட்டுள்ளது.
தென்னக்கோன் மேல் மாகாணத்தின் பிரதிப் பொலிஸ்மா அதிபராக இருந்த காலத்தில், சர்வதேச கிரிக்கெட் சுற்றுப்பயணங்களுக்கான பாதுகாப்பு குறித்து, குறிப்பாக கொவிட்-19 தொற்றுநோய்களின் போது, அவரது நிபுணத்துவம் கோரப்பட்டது என்பதை ஸ்ரீலங்கா கிரிக்கெட் தெளிவுபடுத்தியது.
எனினும், அத்தகைய ஈடுபாடுகளுக்கு தனக்கு அங்கீகாரம் தேவை என்றும், இறுதியில் அந்த அமைப்பில் எந்த அதிகாரப்பூர்வப் பங்கையும் ஏற்கவில்லை என்றும் தென்னக்கோன், SLCயிடம் தெரிவித்தார்.
நாடாளுமன்ற உறுப்பினர் விதானகேயின் கருத்துக்களுக்கு SLC கண்டனம் தெரிவித்தது, நிறுவன மற்றும் தனிப்பட்ட நற்பெயருக்கு தீங்கு விளைவிப்பதைத் தடுக்க பொது அறிக்கைகளில் பொறுப்பான நடத்தையை வலியுறுத்தியது.
