எரிபொருள் விலைகள் குறைக்கப்பட்ட போதிலும், முச்சக்கர வண்டி கட்டணங்களில் எந்த மாற்றத்தையும் செய்ய வாய்ப்பில்லை என்று மேல் மாகாண முச்சக்கர வண்டி சாரதிகள் மற்றும் உரிமையாளர்கள் சங்கம் தெரிவித்துள்ளது.
இன்று (01) நடைபெற்ற செய்தியாளர் சந்திப்பில் பேசிய சங்கத்தின் தலைவர் லலித் தர்மசேகர, முச்சக்கர வண்டி கட்டணங்களைக் குறைப்பதை விட, அரசாங்கம் தலையிட்டு முறையான ஒழுங்குமுறை மூலம் பொதுமக்களுக்கு மிகவும் திறமையான சேவையை வழங்க வேண்டும் என்று கூறினார்.
பெட்ரோல் விலை 10 ரூபாவினால் குறைக்கப்பட்டதால், முச்சக்கர வண்டி கட்டணத்தை 50 சதம் அல்லது ஒரு ரூபாவினால் குறைப்பது நடைமுறைக்கு சாத்தியமில்லை என்றும் அவர் குறிப்பிட்டார்.
இலங்கை பெட்ரோலியக் கூட்டுத்தாபனம் (CPC) நேற்று நள்ளிரவு முதல் எரிபொருள் விலைக் குறைப்பை அறிவித்ததை அடுத்து இந்த முடிவு எடுக்கப்பட்டுள்ளது.
