ரூபாய் 369 இலட்சத்திற்கும் அதிக வருமான வரியை செலுத்தாமைக்கு உண்மையான காரணம் ஏதாவது இருப்பின் எதிர்வரும் டிசம்பர் 16 ஆம் திகதிக்கு முன்னர் எழுத்து மூலமாக அறிவிப்பதற்கு நடவடிக்கை எடுக்குமாறு முன்னாள் நாடாளுமன்ற உறுப்பினர் சஜின் வாஸ் குணவர்தனவுக்கு கொழும்பு நீதவான் நீதிமன்றம் இன்று உத்தரவிட்டுள்ளது .
இது தொடர்பான வழக்கு இன்று கொழும்பு மேலதிக நீதவான் ஓஷத மிகார முன்னிலையில் விசாரணைக்கு எடுத்துக்கொள்ளப்பட்ட போதே இவ்வாறு உத்தரவிடப்பட்டுள்ளது.
2010, 2011 மற்றும் 2012 ஆம் ஆண்டுகளில் ரூ.36,975,959 தனிநபர் வருமான வரி செலுத்தாமைக்காக முன்னாள் நாடாளுமன்ற உறுப்பினர் சஜின் வாஸ் குணவர்தனவுக்கு எதிராக தேசிய இறைவரித் திணைக்களம் இந்த வழக்கைத் தாக்கல் செய்திருந்தமை குறிப்பிடத்தக்கது.
