நாடு முழுவதும் 3,000க்கும் மேற்பட்ட அரசுப் பாடசாலைகளில் 10க்கும் குறைவான ஆசிரியர்களே உள்ளதாக தொகை மதிப்பு மற்றும் புள்ளிவிபரத் திணைக்களம் உறுதிபடுத்தியுள்ளது.
2025 ஆம் ஆண்டுக்கான திணைக்களத்தின் தரவுகளின்படி, நாடு முழுவதும் 10,047 பாடசாலைகள் உள்ளன.
இவற்றில் 3,065 பாடசாலைகளில் 10க்கும் குறைவான ஆசிரியர்கள் இருப்பதாகக் கண்டறியப்பட்டுள்ளது.
இந்தப் பாடசாலைகளில் ஒன்று தேசியப் பாடசாலை.
அதேநேரம், நாடு முழுவதும் உள்ள 1,645 அரசுப் பாடசாலைகளில் மாணவர்களின் எண்ணிக்கை 50க்கும் குறைவாக இருப்பதாகவும் திணைக்களம் கூறியுள்ளது.
50க்கும் குறைவான மாணவர்களைக் கொண்ட அரசுப் பாடசாலைகளில், ஒரு தேசியப் பாடசாலையும், 1,644 மாகாணப் பாடசாலைகளும் உள்ளன.
51 முதல் 100 வரையிலான மாணவர் எண்ணிக்கையைக் கொண்ட 1,648 அரசுப் பாடசாலைகள் உள்ளன.
இவை அனைத்தும் மாகாணப் பாடசாலைகள்.
இதற்கிடையில், 2024 ஆம் ஆண்டுடன் ஒப்பிடும்போது, 2025 ஆம் ஆண்டில் அரசுப் பாடசாலைகளில் முதலாம் தரத்திற்கு சேர்க்கப்பட்ட மாணவர்களின் எண்ணிக்கை குறைந்துள்ளது.
2025 ஆம் ஆண்டில் அரசுப் பாடசாலைகளில் முதலாம் தரத்திற்கு 266,281 மாணவர்கள் சேர்க்கப்பட்டதாகவும் தொகை மதிப்பு மற்றும் புள்ளிவிபரத் திணைக்களம் மேலும் கூறியுள்ளது.
