அமெரிக்க சிவில் உரிமைகள் தலைவர் ஜெஸ்ஸி ஜாக்சன் (jesse jackson) செவ்வாய்க்கிழமை (17) காலை தனது 84 ஆவது வயதில் காலமானார் என்று அவரது குடும்பத்தினர் வெளியிட்ட அறிக்கையில் தெரிவிக்கப்பட்டுள்ளது.
அவரது மரணத்திற்கான காரணம் வெளியிடப்படவில்லை.
ஆனால் ஜாக்சனுக்கு மேல்நரம்பியல் செயலிழப்பு நோய் இருப்பது கண்டறியப்பட்டதுடன், கடந்த ஆண்டு இறுதியில் மருத்துவமனையில் அனுமதிக்கப்பட்டும் இருந்தார்.
ஜனநாயகக் கட்சியின் ஜனாதிபதி வேட்பாளராக இரண்டு முறை போட்டியிட்ட முக்கிய ஆர்வலருக்கு முதல் கறுப்பின அமெரிக்க ஜனாதிபதி பராக் ஒபாமா உட்பட பலர் அஞ்சலி செலுத்தினர்.
மார்ட்டின் லூதர் கிங் ஜூனியருடன் இணைந்து பணியாற்றி 1984 மற்றும் 1988 ஆம் ஆண்டுகளில் ஜனாதிபதி பதவிக்கு போட்டியிட்டதோடு, சமூக நீதி மற்றும் சிவில் உரிமைகளை மையமாகக் கொண்ட ஒரு இலாப நோக்கற்ற அமைப்பான ரெயின்போ புஷ் கூட்டணியின் நிறுவனராக ஜாக்சன் நினைவுகூரப்படுகிறார்.
மார்ட்டின் லூதர் கிங் ஜூனியருடன் இணைந்து போராடி, உலகளாவிய பணயக்கைதிகள் விடுதலைக்காகப் போராடி, பெருநிறுவன பன்முகத்தன்மை இல்லாததற்கும் வாக்களிக்கும் உரிமைகளை ஆதரிக்கத் தவறியதற்கும் நிறுவனங்களை அவமானப்படுத்திய ஒரு உயர்ந்த சிவில் உரிமையாளராகவும் இவர் பார்க்கப்படுகிறார்.
மேலும், ஜாக்சன் ஜனாதிபதி சுதந்திர பதக்கத்தைப் பெற்றவர், ஜனநாயகக் கட்சியின் ஜனாதிபதி வேட்பாளர் மற்றும் உலகின் மிகவும் பிரபலமான கறுப்பின ஆர்வலர்களில் ஒருவர் என்பதும் குறிப்படத்தக்கது.
