ஆந்திரப் பிரதேசத்தின் மதனப்பள்ளி எனும் நகராட்சிப் பகுதியில் ஏழு வயது சிறுமி ஒருவர் தனது அயல் வீட்டுக்காரரால் பாலியல் வன்கொடுமை செய்யப்பட்டு கொலை செய்யப்பட்டதாக இந்தியப் பொலிஸார் தெரிவித்தனர்.
செவ்வாய்க்கிழமை (17) சந்தேக நபரின் வீட்டிலிருந்து சிறுமியின் உடலை பொலிஸார் மீட்டபோது இந்த சம்பவம் வெளிச்சத்துக்கு வந்தது.
திங்கட்கிழமை மாலை 4 மணியளவில் சிறுமி காணாமல் போனதை அடுத்து, அவரது குடும்பத்தினர் அளித்த முறைப்பாட்டுக்கு அமைவாக பொலிஸார் விசாரணைகளை ஆரம்பித்தனர்.
பாதிக்கப்பட்டவரின் வீட்டிற்கு எதிரே வசிக்கும் சந்தேக நபர், சிசிடிவி காட்சிகள் குற்றத்தை உறுதிப்படுத்திய பின்னர் அடையாளம் காணப்பட்டார்.
இது காவல்துறையினரை முழுமையான விசாரணைக்கு இட்டுச் சென்றது.
இந்த சம்பவம் அப்பகுதியில் பெரும் பதற்றத்தைத் தூண்டியது, குற்றம் சாட்டப்பட்டவரின் வீட்டின் அருகே ஒரு பெரிய கூட்டம் கூடி, சந்தேக நபருக்கு எதிராக கடுமையான நடவடிக்கை எடுக்கக் கோரினர்.
நிலைமை மேலும் பதட்டமாக மாறியதனால், பொலிஸார் குறித்த பகுதியில் பாதுகாப்பை அதிகரித்தனர்.
அரசியல் நோக்கங்களைக் கொண்ட சில நபர்கள் கூட்டத்தின் கோபத்தைத் தூண்டிவிட்டதாகவும், பாதிக்கப்பட்டவரின் குடும்ப உறுப்பினர்களைத் தாக்கியதாகவும் கூறப்படுகிறது.
இதற்கு பதிலளிக்கும் விதமாக, சட்டம் ஒழுங்கைப் பராமரிக்க மேலதிக படைகள் நிறுத்தப்பட்டதாக அதிகாரிகள் குறிப்பிட்டனர்.
