பிரித்தானியா இதுவரை இல்லாத அளவுக்கு மிகவும் வெப்பமான ஏப்ரல் நாட்களில் ஒன்றைப் பதிவு செய்துள்ளது என வானிலை ஆய்வாளர்கள் தெரிவித்துள்ளனர்.
அதன்படி, தென்மேற்கு லண்டனில் உள்ள கியூ கார்டன்ஸில் (Kew Gardens) நேற்றை ( ஏப்ரல் 08) தினம் வெப்பநிலை 26.6 செல்ஸியஸ் டிகிரியாக பதிவானது.
இதுவே, 2026 ஆம் ஆண்டின் இதுவரையில் ஒரு நாளில் பதிவான மிகவும் அதிகரித்த வெப்ப நிலை என தேசிய வானிலை ஆய்வு நிலையம் தெரிவித்துள்ளது.
1946 ஆம் ஆண்டுக்குப் பின்னர் ஏப்ரல் மாதத்தின் முதல் பாதியில் பதிவான மிக வெப்பமான நாளாகவும் இது அமைந்தது.
வேல்ஸில் உள்ள ஆங்கிள்சி தீவில் இருக்கும் மோனா (Mona) என்ற இடத்தில் செவ்வாய்க்கிழமை பதிவான 24.8 செல்ஸியஸ் டிகிரி என்ற வெப்பநிலையை புதன்கிழமை பதிவான வெப்பநிலை விஞ்சியது.
மேலும், இபிசா, ரோம் மற்றும் மராகேஷ் உள்ளிட்ட பிரபலமான சுற்றுலாத் தலங்களை விட புதன்கிழமை தலைநகர் லண்டனில் அதிக வெப்பநிலை பதிவாகியுள்ளதாகவும் தேசிய வானிலை ஆய்வாளர்கள் தெரிவித்துள்ளார்.
கடந்த திங்கட்கிழமை தொடங்கிய இந்த கடும் வெப்பம், ஏப்ரல் மாதத் தொடக்கத்தின் சராசரியான 12 தொடக்கம் -15 செல்கியஸ் டிகிரியை விட மிகவும் அதிகமாக உள்ளது.
எனினும், வியாழக்கிழமையன்று தென்கிழக்குப் பகுதியிலிருந்து பிரித்தானியா முழுவதும் மழை மற்றும் குளிர்ச்சியான, சாரல் மழை பெய்யும் என எதிர்பார்க்கப்படுகிறது.
