மேற்கு ஆசியாவில் அதிகரித்து வரும் புவிசார் அரசியல் பதட்டங்களுக்கு மத்தியில், புது டெல்லியில் நடைபெற்ற பிரிக்ஸ் வெளிவிகார அமைச்சர்கள் கூட்டத்தில் இந்திய வெளியுறவு அமைச்சர் எஸ். ஜெய்சங்கர் இன்று (14) ஈரான் வெளிவிவகார அமைச்சர் சையத் அப்பாஸ் அராக்சியை கைகுலுக்கலுடன் வரவேற்றார்.
இரண்டு நாள் பிரிக்ஸ் கூட்டத்தில் கலந்துகொள்வதற்காக, அரக்சி மூன்று நாள் உத்தியோகப்பூர்வ பயணமாக நேற்று (3) மாலை புது டெல்லி சென்றடைந்துள்ளார்.
இரண்டு மாதங்களுக்கு முன்பு ஈரான் சம்பந்தப்பட்ட அமெரிக்க-இஸ்ரேல் போர் வெடித்ததிலிருந்து, இந்தியாவுடன் தெஹ்ரான் மேற்கொள்ளும் முதல் உயர்மட்ட இராஜதந்திர சந்திப்பு இந்தப் பயணம் ஆகும்.
ஈரான், அமெரிக்கா மற்றும் இஸ்ரேல் ஆகிய நாடுகளுக்கு இடையே நடைபெற்று வரும் மோதலுக்கு மத்தியில் மேற்கு ஆசியாவில் மோசமடைந்து வரும் பாதுகாப்புச் சூழலை மையமாகக் கொண்டு, ஈரான் வெளிவிவகார அமைச்சர் எஸ். ஜெய்சங்கருடன் விரிவான இருதரப்புப் பேச்சுவார்த்தைகளை நடத்தவும் திட்டமிட்டுள்ளார்.
மூலோபாய முக்கியத்துவம் வாய்ந்த ஹார்முஸ் நீரிணை இந்தப் பேச்சுவார்த்தைகளில் முக்கிய இடம் பெற வாய்ப்புள்ளது.
உலகளாவிய மசகு எண்ணெய் மற்றும் திரவ இயற்கை எரிவாயு (LNG) விநியோகத்திற்கு இன்றியமையாததாக விளங்கும் இந்த குறுகிய நீர்வழிப்பாதை வழியாக வர்த்தகக் கப்பல்கள் பாதுகாப்பாகச் செல்வது குறித்த தனது கவலைகளை இந்தியா தெரிவிக்கும் என இவ்விவகாரம் குறித்து அறிந்தவர்கள் தெரிவிக்கின்றனர்.
உலகளாவிய எண்ணெய் மற்றும் திரவமாக்கப்பட்ட இயற்கை எரிவாயு வர்த்தகத்தில் கிட்டத்தட்ட 20 சதவீதப் பங்கைக் கொண்டுள்ள, பாரசீக வளைகுடாவை ஓமான் வளைகுடாவுடன் இணைக்கும் முக்கிய கப்பல் போக்குவரத்து வழித்தடமான ஹார்முஸ் ஜலசந்தி வழியாகச் செல்லும் கடல்வழிப் போக்குவரத்தை ஈரான் திறம்படக் கட்டுப்படுத்தியதைத் தொடர்ந்து, உலகளாவிய எண்ணெய் மற்றும் எரிவாயு விலைகள் கடுமையான ஏற்ற இறக்கங்களைச் சந்தித்துள்ளன.
பெப்ரவரி 28 அன்று அமெரிக்க-இஸ்ரேல்-ஈரான் போர் தொடங்கியதிலிருந்து, மோதலின் போது புது டொல்லியுடன் நெருங்கிய தொடர்பைப் பேண தெஹ்ரான் முயன்றதால், அராக்சி ஜெய்சங்கருடன் பல தொலைபேசி உரையாடல்களை நடத்தியுள்ளார்.
இந்த நிலையில் தற்போதைய மாநாடு தொடர்பான உயர்மட்ட இராஜதந்திர சந்திப்புகளின் ஒரு பகுதியாக, அரக்சியும் மற்ற பிரிக்ஸ் வெளிவிவகார அமைச்சர்களும் இன்று பிரதமர் நரேந்திர மோடியைச் சந்திக்க உள்ளனர்.
