பிரித்தானியப் பிரதமர் கீர் ஸ்டார்மரின் தலைமைத்துவத்திற்கு எதிராகத் தொழிற்கட்சிக்குள் கடுமையான சவால்கள் எழுந்துள்ளதால், நாட்டு அரசியலில் பெரும் பரபரப்பு ஏற்பட்டுள்ளது.
மேக்கர்ஃபீல்ட் (Makerfield) இடைத்தேர்தலைத் தொடர்ந்து இந்த வார இறுதியில் தலைமைத்துவப் போட்டி உத்தியோகபூர்வமாக ஆரம்பமாகலாம் என எதிர்பார்க்கப்படுகிறது.
முன்னாள் சுகாதாரச் செயலாளர் வெஸ் ஸ்ட்ரீட்டிங் (Wes Streeting) பிரதமருக்கு பகிரங்க எச்சரிக்கை விடுத்துள்ளதுடன், சவால்களை எதிர்கொள்ளத் தான் தயாராக இருப்பதாகவும் குறிப்பிட்டுள்ளார்.
இதேவேளை, மான்செஸ்டர் நகர முதல்வர் ஆண்டி பர்ன்ஹாமிற்கு (Andy Burnham ) அமைச்சரவையில் இடமளிக்கத் தயாராக இருப்பதாகக் கூறி பிரதமர் ஸ்டார்மர் தனது பதவியைத் தக்கவைக்க முயன்று வருகிறார்.
எனினும், சவால்கள் விடுக்கப்பட்டால் பதவியிலிருந்து விலகப்போவதில்லை எனவும், அதனை எதிர்கொள்ளத் தான் தயார் எனவும் பிரதமர் ஸ்டார்மர் உறுதியளித்துள்ளார்.
