அகமதாபாத் மற்றும் கொழும்புக்கு இடையே புதிய நேரடி விமான சேவை இன்று (19) தொடங்கப்படவுள்ளது.
இது இவ்விரு நகரங்களுக்கு இடையிலான பயண நேரத்தை சுமார் எட்டு மணி நேரத்திலிருந்து வெறும் மூன்று மணி நேரமாகக் கணிசமாகக் குறைக்கும்.
FitsAir நிறுவனத்தால் இயக்கப்படவுள்ள இந்த புதிய வழித்தடமானது, குஜராத் மாநிலத்திலுள்ள அகமதாபாத்தையும் கொழும்பையும் வாரத்திற்கு மூன்று முறை இணைக்கும்.
கடந்த காலங்களில் மேற்கொள்ளப்பட்ட பல தோல்வியுற்ற முயற்சிகளுக்குப் பின்னர், இவ்விரு நகரங்களுக்கு இடையிலான முதல் நேரடி விமானச் சேவையாக இது அமைகிறது.
இந்தியாவுக்கும் இலங்கைக்கும் இடையிலான சுற்றுலா மற்றும் பயணத் தொடர்புகளை வலுப்படுத்தும் ஒரு முன்னோடி முயற்சி எனத் தொழில்துறை பங்குதாரர்கள் விவரிக்கும் இந்த முன்னெடுப்பை, சின்னமன் ஹோட்டல்ஸ் மற்றும் வாக்கர்ஸ் டூர்ஸ் நிறுவனங்கள் எளிதாக்கியுள்ளன.
இந்திய நகரங்களிலிருந்து நேரடி இணைப்புகள் இருந்தபோதிலும், அகமதாபாத் இன்னும் பயன்படுத்தப்படாத ஒரு சந்தையாக உள்ளது.
இந் நிலையில் இவ்விரு நகரங்களுக்கு இடையிலான புதிய போக்குவரத்து இணைப்பின் முக்கியத்துவத்தை உணர்த்தும் வகையில், இந்தத் தொடக்க விமானச் சேவையின் அறிமுக விழாவில் பங்கேற்கும் சிறப்பு விருந்தினர்களில் இலங்கை கிரிக்கெட் ஜாம்பவான் சனத் ஜெயசூர்யாவும் இடம்பெறுவார்.
இலங்கைச் சுற்றுலாவிற்கு இந்தியா மிகப்பெரிய மூலச் சந்தையாகத் தொடர்கிறது.
2025-ஆம் ஆண்டில் 531,000-க்கும் மேற்பட்ட வருகையாளர்கள், அதாவது மொத்த உள்வரும் பயணிகளில் ஏறக்குறைய 24%, இந்தியாவிலிருந்து வந்தவர்கள் ஆவர் என இலங்கை சுற்றுலா மேம்பாட்டு பணியக தகவல்கள் தெரிவிக்கின்றன.
