பிரித்தானியாவின் கிரேட்டர் மான்செஸ்டர் பிராந்தியத்தின் புதிய மெட்ரோ மேயரைத் தேர்ந்தெடுப்பதற்கான இடைத்தேர்தலில், தொழிற்கட்சியின் வேட்பாளராக மான்செஸ்டர் மாநகர சபையின் தலைவர் பெவ் க்ரெய்க் (Bev Craig) போட்டியிடுவார் என அக்கட்சி அதிகாரப்பூர்வமாக அறிவித்துள்ளது.
நாடாளுமன்ற இடைத்தேர்தலில் போட்டியிட்டு மேக்கர்ஃபீல்ட் (Makerfield) தொகுதியின் நாடாளுமன்ற உறுப்பினராக ஆண்டி பர்ன்ஹாம் தேர்ந்தெடுக்கப்பட்டதை அடுத்து, அவர் வகித்து வந்த மெட்ரோ மேயர் பதவி வெற்றிடமானது .
இதனைத் தொடர்ந்தே இந்த புதிய இடைத்தேர்தல் அறிவிக்கப்பட்டுள்ளது.
இந்த மெட்ரோ மேயர் பதவிக்கான இடைத்தேர்தல் எதிர்வரும் ஜூலை 30 ஆம் திகதி நடத்தப்படவுள்ளது.
இத்தேர்தலில் தொழிற்கட்சியின் பெவ் க்ரெய்க்கிற்கு எதிராக பசுமைக் கட்சி சார்பில் ஜெரால்டின் கோகின்ஸ் (Geraldine Coggins) போட்டியிடுவதுடன் ரிஸ்டோர் பிரிட்டன்’ (Restore Britain) கட்சி சார்பில் மார்லன் வெஸ்ட் (Marlon West) போட்டியிடுகின்றமை குறிப்பிடத்தக்கது.
