பிரித்தானியாவின் தூதுவர் பதவிகளுக்கான அரசியல் நியமனங்களை ரத்து செய்யும் அதிகாரம் நாடாளுமன்ற உறுப்பினர்களுக்கு வழங்கப்பட வேண்டும் என நாடாளுமன்றக் குழுவொன்று பரிந்துரைத்துள்ளது.
அமெரிக்காவுக்கான பிரித்தானிய தூதுவராக பீட்டர் மெண்டல்சன் (Peter Mandelson) நியமிக்கப்பட்ட விவகாரத்தில் எழுந்துள்ள கடும் சர்ச்சைகளைத் தொடர்ந்தே இந்த பரிந்துரை முன்வைக்கப்பட்டுள்ளது.
மறைந்த அமெரிக்க கோடீஸ்வரர் ஜெப்ரி எப்ஸ்டீனுடனான (Jeffrey Epstein) சர்ச்சைக்குரிய தொடர்புகள் மற்றும் பாதுகாப்பு அனுமதிகளில் ஏற்பட்ட தோல்விகள் காரணமாகவே பீட்டர் மெண்டல்சன் அண்மையில் பதவியிழந்தார்.
இந்த நியமனம் ஒரு பேரழிவு என குறிப்பிட்டுள்ள நாடாளுமன்ற வெளியுறவு விவகாரக் குழு, இனிவரும் காலங்களில் இவ்வாறான உயர் பதவிகளுக்கான நியமனங்கள் நாடாளுமன்றக் குழுவின் முழுமையான ஆய்விற்கும், வீட்டோ (Veto) அதிகாரத்திற்கும் உட்படுத்தப்பட வேண்டும் என வலியுறுத்தியுள்ளது.
