பிராண்ட் ஃபைனான்ஸ் 2026 இந்தியா அறிக்கையின்படி, அதானி குழுமம் இந்தியாவின் மதிப்புமிக்க 10 பிராண்டுகளின் பட்டியலில் இணைந்துள்ளதுடன், நாட்டின் மூன்றாவது மதிப்புமிக்க பெருநிறுவனக் குழுமமாகவும் திகழ்கிறது.
மேலும், இந்தியாவின் மிகவும் மதிப்புமிக்க எரிசக்தி பிராண்டாகவும் அதானி பவர் (Adani Power) இந்த அறிக்கையில் தரவரிசைப்படுத்தப்பட்டுள்ளது.
அறிக்கையின்படி, அதானி குழுமம் கடந்த ஆண்டு இருந்த 13 ஆவது இடத்திலிருந்து 8 ஆவது இடத்திற்கு முன்னேறியுள்ளது.
இதன் மூலம், வெறும் மூன்றாண்டுகளிலேயே இந்தியாவின் மதிப்புமிக்க முதல் 10 பிராண்டுகளின் பட்டியலில் இணைந்த அதிவேகமான நிறுவனமாக அது மாறியுள்ளது.
ஓராண்டுக்கு முன்பு 6.48 பில்லியன் அமெரிக்க டொலராக இருந்த அதானி குழுமத்தின் மதிப்பை, ‘பிராண்ட் ஃபைனான்ஸ்’ (Brand Finance) தற்போது 8.48 பில்லியன் அமெரிக்க டொலர்களாக மதிப்பிட்டுள்ளது (அதானி வில்மர் மற்றும் அது சார்ந்த நுகர்வோர் சார்ந்த பிராண்டுகள் தொடர்பான சுமார் 500 மில்லியன் அமெரிக்க டொலர் மதிப்பு இதில் சேர்க்கப்படவில்லை).
இந்த 31.3 சதவீத வளர்ச்சியானது இந்தியாவின் முதல் 20 பிராண்டுகளிலேயே மிக அதிகபட்சமானதாகும்; இது அதானி குழுமத்தை நாட்டின் மூன்றாவது மதிப்புமிக்க பெருநிறுவனக் குழுமமாக மாற்றியுள்ளது.
இந்தியாவின் மதிப்புமிக்க முதல் 25 பிராண்டுகளின் பட்டியலில், கடந்த மூன்றாண்டுகளில் மிக வேகமான வளர்ச்சியைப் பதிவு செய்துள்ள அக்குழுமம், இக்காலகட்டத்தில் 15 இடங்கள் முன்னேறியுள்ளதாக அந்த அறிக்கை தெரிவிக்கிறது.
கடந்த ஓராண்டில் மட்டும் அக்குழுமம் 2.02 பில்லியன் அமெரிக்க டொலர் மதிப்பிலான பிராண்ட் மதிப்பை ஈட்டியுள்ளது; இது 2022-இல் அதன் மொத்த மதிப்பீட்டை விட அதிகமாகும்.
அக்குழுமத்தின் நிறுவனங்களுள், அதானி பவர் இந்தியாவின் மிக மதிப்புமிக்க எரிசக்தி வர்த்தக முத்திரையாக உருவெடுத்துள்ளது; இதன் வர்த்தக முத்திரை மதிப்பு 152 சதவீதம் அதிகரித்து 1.8 பில்லியன் அமெரிக்க டொலர்களாக உயர்ந்துள்ளது.
இந்தியாவின் முதல் ஐந்து எரிசக்தி நிறுவனங்களின் பட்டியலில் ‘அதானி கிரீன் எனர்ஜி’ மற்றும் ‘அதானி எனர்ஜி சொல்யூஷன்ஸ்’ ஆகியவை இடம்பெற்றுள்ளதாகவும், அதேவேளையில் ‘அதானி டோட்டல் கேஸ்’ நிறுவனம் இப்பட்டியலில் குழுமத்தின் இருப்பை வலுப்படுத்தியுள்ளதாகவும் அந்த அறிக்கை தெரிவித்தது.
நுகர்வோர் பார்வை, பிராண்டின் தாக்கம் மற்றும் கணிக்கப்பட்ட வருவாய் ஆகியவற்றை ஒருங்கிணைத்து, நீண்ட கால பிராண்ட் மதிப்பை மதிப்பிடும் அதன் உலகளாவிய வழிமுறையின் அடிப்படையில் இந்தத் தரவரிசைகள் அமைந்துள்ளன என்று பிராண்ட் ஃபைனான்ஸ் கூறியுள்ளது.
டிஜிட்டல் மாற்றம், உற்பத்தி, உள்கட்டமைப்பு மற்றும் புத்தாக்கம் ஆகியவற்றில் தொடர்ச்சியான முதலீடுகளின் ஆதரவுடன், 2026 பிராண்ட் ஃபைனான்ஸ் 100 இந்தியா அறிக்கை, இந்தியாவின் 100 முன்னணி பிராண்டுகளின் மதிப்பை சாதனை அளவான 252.8 பில்லியன் அமெரிக்க டொலர்களாக மதிப்பிட்டுள்ளது.
