ஈரப்பதமான மற்றும் மாறுபடும் வானிலை நிலவும் சூழலில், டெல்லி-தேசிய தலைநகர் (Delhi-NCR) மற்றும் நாட்டின் பல்வேறு பகுதிகளில் H1N1 (பன்றி காய்ச்சல்) மற்றும் பிற சுவாசத் தொற்று பாதிப்புகள் அதிகரித்து வருவதாக சுகாதார நிபுணர்கள் தெரிவிக்கின்றனர்.
இப்பகுதி முழுவதும் H1N1 பாதிப்புகள் அதிகரித்து வரும் நிலையில், டெல்லியில் உள்ள அரசு மருத்துவமனைத் தலைவர் மற்றும் மருத்துவர்கள் உட்படப் பலருக்கு இந்நோய்த்தொற்று இருப்பது உறுதி செய்யப்பட்டுள்ளது.
காய்ச்சல் போன்ற அறிகுறிகளுடன் நோயாளிகள் மருத்துவமனைக்கு வருகின்றனர்; அதேவேளையில், சிலருக்கு ஒக்சிஜன் அளவு குறைவது கண்டறியப்பட்டுள்ளது, இது தீவிரமான சுவாசப் பாதிப்புகள் குறித்த கவலையை ஏற்படுத்தியுள்ளது.
திடீர் காய்ச்சல், வறட்டு இருமல், உடல் வலி, தலைவலி, தொண்டை வலி, உடல் நடுக்கம் மற்றும் சோர்வு ஆகியவை H1N1-ன் அறிகுறிகளாக இருக்கலாம்.
சில நோயாளிகளுக்கு மூச்சுத் திணறல் மற்றும் ஆக்சிஜன் அளவு குறைதல் போன்ற பாதிப்புகளும் ஏற்படக்கூடும் என மருத்துவர்கள் எச்சரித்துள்ளனர்.
மூச்சுத்திணறல், மார்பு வலி, தொடர்ச்சியான அதிக காய்ச்சல், மனக்குழப்பம், உதடுகள் நீல நிறமாக மாறுதல் அல்லது அறிகுறிகள் மோசமடைதல் போன்ற அறிகுறிகள் ஏற்பட்டால், மக்கள் மருத்துவ உதவியை நாட வேண்டும் என்று மருத்துவர்கள் கூறுகின்றனர்.
முதியவர்கள், சிறு குழந்தைகள், கர்ப்பிணிப் பெண்கள் மற்றும் ஏற்கனவே உடல்நலக் குறைபாடுகள் உள்ளவர்கள் உள்ளிட்ட பாதிக்கப்படக்கூடிய பிரிவினர் குறிப்பாக எச்சரிக்கையாக இருக்க வேண்டும்.
சுவாச நோய்த்தொற்றுகள் அதிகரித்து வருவதால், மக்கள் தங்கள் கைகளைச் சுத்தமாக வைத்துக்கொள்ளவும், இருமல் தொடர்பான விதிமுறைகளைப் பின்பற்றவும், உடல்நிலை சரியில்லாதபோது நெருங்கிய தொடர்பைத் தவிர்க்கவும், அறிகுறிகள் தீவிரமடைந்தால் மருத்துவ ஆலோசனையைப் பெறவும் நிபுணர்கள் அறிவுறுத்துகின்றனர்.
கடந்த ஆண்டின் இதே காலகட்டத்தில் 229 H1N1 பாதிப்புகள் பதிவாகியிருந்த நிலையில், இந்த ஆண்டில் இதுவரை டெல்லியில் 1,349 பாதிப்புகள் பதிவாகியுள்ளன.
சுவாசப் பாதை நோய்த்தொற்றுகள் பொதுவாக அதிகரிக்கக்கூடிய பருவமழைக் காலத்தில் இந்தத் திடீர் அதிகரிப்பு ஏற்பட்டுள்ளது.
