இன்று மாலைக்குப் பின்னர் நாட்டின் பல பிரதேசங்களில் காற்றுடன் கூடிய இடி மின்னல் வீழ்ச்சி பதிவாகக்கூடும் என வளிமண்டலவியல் திணைக்களத்தின் கணிப்புப் பிரிவு துணை இயக்குநர் ஜீவன் கருணாரத்ன தெரிவித்துள்ளார்.
அதற்கமைய, மத்திய மலைநாடு, குருநாகல், முல்லைத்தீவு மற்றும் திருகோணமலை மாவட்டங்களில் 75 மில்லிமீட்டருக்கும் அதிகமான தடிமனான மழைவீழ்ச்சி பதிவாக வாய்ப்புள்ளதுடன், இடி மின்னலுடன் கூடிய மழையின் போது பலத்த காற்றும் வீசக்கூடும் என்பதால் பொதுமக்கள் அவதானமாக இருக்குமாறு கேட்டுக்கொள்ளப்பட்டுள்ளனர்.
மேலும், மேல் மற்றும் தென் மாகாணங்களிலும் காலை வேளையில் மழை பெய்யும் சாத்தியம் காணப்படுகின்றது.
கடல் பிரதேசங்களைப் பொறுத்தவரை, கடல் வளிமண்டலத்தில் ஏற்பட்டுள்ள மாற்றம் காரணமாக, தீவின் வட பகுதி மற்றும் கடலோரப் பிரதேசங்களில் அவ்வப்போது மணித்தியாலத்திற்கு 70 முதல் 80 கிலோமீட்டர் வரை காற்றின் வேகம் அதிகரிக்கக்கூடும் என்பதால் கடல் மிகவும் கொந்தளிப்பாகக் காணப்படும்.
இதனால், கடற்றொழில் மற்றும் படகு செயற்பாடுகளில் ஈடுபடும் பொதுமக்கள் மிகுந்த அவதானத்துடன் செயற்படுமாறு அறிவுறுத்தப்பட்டுள்ளனர்.
தற்போது கொழும்பு மற்றும் தெற்கு மாகாணங்களில் காணப்படுகின்ற மழை மற்றும் காற்றுடன் கூடிய தீவிர வானிலை நிலைமைகள் இன்றுடன் படிப்படியாகக் குறைவடைந்து செல்வதுடன், எதிர்வரும் நாட்களில் வளிமண்டலத் தாழ்வு நிலை மற்றும் காலநிலை நிலைமைகள் வழமைக்குத் திரும்பும் என எதிர்பார்க்கப்படுகிறது.
எனினும், எல் நினோ (El Niño) தாக்கத்தின் காரணமாக ஒக்டோபர் மற்றும் நவம்பர் மாதங்களில் இலங்கைக்கு இயல்பை விட அதிகமான மழைவீழ்ச்சி கிடைக்கலாமென எதிர்பார்க்கப்படுவதுடன், நவம்பர் மாதமளவில் களப்பிரவாகம் அல்லது சூறாவளி சுபாவங்களுடன் கூடிய அழுத்தமான காற்று மற்றும் அழுத்தம் தீவிரமடையும் சாத்தியக்கூறுகள் உள்ளமையால் வளிமண்டலவியல் திணைக்களம் தொடர்ந்தும் அவதானத்துடன் செயற்படுமாறு கேட்டுக்கொண்டுள்ளது.
