பிரதமர் இம்ரான் கான் தலைமையிலான அரசாங்கம், தண்ணீரில் தனது பங்கை திருடியுள்ளதாக பாகிஸ்தான் மக்கள் கட்சி(பி.பி.பி) தலைவர், நிசார் அகமது குஹ்ரோ தெரிவித்துள்ளார்.
பாகிஸ்தானின் சிந்து மாகாணத்தில் நீர் பற்றாக்குறைக்கு எதிராக ஆர்ப்பாட்டமொன்று முன்னெடுக்கப்பட்டது.
இதன்போது ஆர்ப்பாட்டத்தில் கலந்துகொண்டு உரையாற்றும்போதே சிந்து மாகாணத்தின் தலைவர் நிசார், இவ்வாறு இம்ரான் கான் அரசாங்கத்தின் மீது குற்றம் சுமத்தினார்.
இதன்போது அவர் மேலும் கூறியுள்ளதாவது, “மத்திய வரவு- செலவு திட்டத்தில் மாகாணத்தின் வளர்ச்சித் திட்டங்கள் குறித்து எந்தக் குறிப்பும் இல்லை. மேலும் தேசிய நிதி ஆணைய விருதைப் பற்றிக் குறிப்பிடவில்லை என்றும் டோன் தெரிவித்துள்ளது.
இதேவேளை தர்பேலா அணையில் இருந்து பாய்ச்சல்கள் தவறான நேரத்தில் விடுவிக்கப்பட்டது மாத்திரமின்றிஅணையில் சேமிப்பு இல்லை என்றும் கூறப்பட்டது.
அத்துடன் சிந்துக்கு அதன் விவசாயத்துறைக்கு தண்ணீர் தேவைப்பட்டது. ஏனெனில் மில்லியன் கணக்கான ஏக்கர் நிலம் தண்ணீரின்றி தரிசாகி வந்தமையே அதற்கு காரணமாகும்.
எவ்வாறாயினும், சிந்து இப்போது சிறந்த நீர் பாய்ச்சல்களைப் பெறத் தொடங்கியுள்ளது. மேலும் மாகாணம் இன்னும் பிற உரிமைகளை இழக்கவில்லை.
இதேவேளை முன்னதாக, சட்டவிரோத சாஷ்மா-ஜீலம் இணைப்பு கால்வாய் திறக்கப்பட்டது. இது சிந்தில் நீர் பற்றாக்குறைக்கு வழிவகுத்தது. மத்திய அரசே தண்ணீர் திருட்டு செய்தாலும், சிந்துவை மோசடி செய்ததாக குற்றம் சாட்டியது.
அதாவது பி.டி.ஐ, சிந்து மக்களை பொருளாதார கொலை செய்து வருகிறது. இது நாட்டில் பொருளாதார குழப்பத்தை ஏற்படுத்தும்.
இந்த அரசாங்கம் அனைத்து வரம்புகளையும் தாண்டிவிட்டது. சிந்துக்கு எதிராக அதிகப்படியான செயல்களைச் தொடர்ந்து செய்து வருகிறது.
மேலும் பி.பி.பி.அரசாங்கம் அனைத்து மாகாணங்களுக்கும் மேம்பட்ட பங்கைக் கொண்டு 2010 ஆம் ஆண்டில் என்.எப்.சி நிறைவேற்றியது.
இருப்பினும் பின்னர் என்.எப்.சி.யில் சிந்து பங்கைக் குறைக்க ஒரு மோசடி கணக்கெடுப்பு நடத்தப்பட்டது. நவாஸ் ஷெரீப் அரசாங்கம் 2015 ஆம் ஆண்டில் என்.எப்.சி.விருதை அறிவிப்பதைத் தவிர்த்தது. இந்நிலையில் தற்போதைய அரசாங்கம், சிந்து தண்ணீர் மற்றும் என்.எப்சி.யில் தனது பங்கைக் கோரியது.
மேலும் அதிகரித்து வரும் மக்கள் தொகை மற்றும் காலநிலை மாற்றங்களுக்கு மத்தியில், தெற்காசியாவில் குறிப்பாக பாக்கிஸ்தானில், புதிய நீர் கிடைப்பது கவலையான நிலைமையாக காணப்படுகின்றது. பாக். 2040 க்குள் முழுமையான நீர் பற்றாக்குறையை எதிர்கொள்ளக்கூடும்” என அவர் எச்சரிக்கை விடுத்துள்ளார்.
கடுமையான நீர் பற்றாக்குறையை எதிர்கொள்ளும் நாடுகளின் பட்டியலில் சர்வதேச நாணய நிதியம் (ஐ.எம்.எஃப்) பாகிஸ்தானை மூன்றாவது இடத்தில் வைத்திருக்கிறது என்று வாஷிங்டனை தளமாகக் கொண்டு இயக்கும் பத்திரிகை சேவையொன்று தெரிவித்துள்ளது.
