காற்றின் திசை மாறுபாட்டால் ஏழு மாவட்டங்களில் இன்று (திங்கட்கிழமை) கனமழை பெய்யக்கூடும் என வானிலை ஆய்வு மையம் எச்சரிக்கை விடுத்துள்ளது.
சென்னை வானிலை ஆய்வு மையம் வெளியிட்டுள்ள செய்திக்குறிப்பில், ‘காற்றின் திசை வேகமாறுபாடு மற்றும் வெப்பச் சலனத்தால், மேற்கு தொடர்ச்சி மலைப்பகுதி மாவட்டங்களில் இன்று இடி, மின்னலுடன் கனமழை பெய்யும்.
கோவை, நீலகிரி, சேலம், தர்மபுரி, தேனி, கள்ளக்குறிச்சி மற்றும் விழுப்புரம் மாவட்டங்களில், இன்றும், நாளையும் கன மழை பெய்யும். சென்னையில் சில இடங்களில், இன்று லேசான மழை பெய்யும்’ எனத் தெரிவிக்கப்பட்டுள்ளது.
