இலங்கைக்கு மேலும் ஒரு தொகுதி சீனாபோர்ம் தடுப்பூசி டோஸ்கள், கட்டுநாயக்க, பண்டாரநாயக்க விமான நிலையத்திற்கு இன்று (ஞாயிற்றுக்கிழமை) காலை, கொண்டுவரப்பட்டுள்ளது.
சீனாவினால் தயாரிக்கப்பட்ட 2 மில்லியன் சீனாபோர்ம் தடுப்பூசி டோஸ்கள், இலங்கை ஏயர்லைன்ஸ் நிறுவனத்துக்கு சொந்தமான இரு விமானங்கள் ஊடாக நாட்டுக்கு கொண்டுவரப்பட்டுள்ளது.
பீஜிங்கிலிருந்து தடுப்பூசிகளுடன் புறப்பட்ட இந்த இரு விமானங்களும் கட்டுநாயக்க விமான நிலையத்தை இன்று அதிகாலை 5.10, 5.40 மணியளவில் தரையிறங்கியுள்ளதாக அங்கிருந்து கிடைக்கும் தகவல்கள் தெரிவிக்கின்றன.
இலங்கையில் அதிக எண்ணிக்கையிலான தடுப்பூசி அளவுகள் ஒரே நாளில் கொண்டுவரப்பட்டமை இதுவே முதல் தடவையாகும்.
