அனைத்து இளம் வயதினருக்கும் நீண்டகால கொவிட் தொற்று உருவாகும் அபாயங்களைத் தடுக்க தடுப்பூசி போடப்பட வேண்டும் என கார்டிஃப் பல்கலைக்கழகத்தின் டாக்டர் ரிச்சர்ட் ஸ்டாண்டன் எச்சரித்துள்ளார்.
ஆரோக்கியமான 12 முதல் 15 வயதுடையவர்கள் பாடசாலைகளில் பெரிய இடையூறுகளைத் தடுக்க தடுப்பூசி போட வேண்டும் என்று அவர் மேலும் கூறினார்.
இளைஞர்கள் நோய்வாய்ப்படுவதையும் மேலும் பாடசாலை நேரத்தை இழப்பதையும் தடுக்க உதவும் வகையில் தடுப்பூசிகளை வெளியிடுவதற்கு டாக்டர் ஸ்டாண்டன், வேல்ஸ் அரசாங்கத்தை வலியுறுத்தினார்.
மேலும், ‘அடிப்படை சுகாதார நிலைமைகள் இல்லாத இளைஞர்களுக்கு ஆபத்து மிகக் குறைவாக இருந்தாலும், ஏழு குழந்தைகளில் ஒருவர் தொற்றுக்குப் பிறகு பல மாதங்கள் நீண்ட கொவிட் தொற்றினால் பாதிக்கப்படுவார். தடுப்பூசி அதற்கு உதவக்கூடும் என்று நான் நினைக்கிறேன்’ என கூறினார்.
கடந்த ஏழு நாட்களில் வேல்ஸின் கொவிட் தொற்று வீதம் 100,000 பேருக்கு 452.8 தொற்றுகளாக உயர்ந்ததால் இது வருகிறது.
தலைமை மருத்துவ அதிகாரியின் வழிகாட்டுதலின் அடிப்படையில் ஒரு முடிவு எடுக்கப்படும் என அரசாங்கம் கூறியுள்ளது.
