ஜம்மு-காஷ்மீர் மாநிலத்தின் துணைநிலை ஆளுநர் மனோஜ் சின்ஹா பொதுமக்கள் மற்றும் மத்திய காவல்துறை வீரர்கள் மீதான பயங்கரவாத தாக்குதலுக்கு கண்டனம் தெரிவித்துள்ளார்.
அவர் மேலும் தெரிவிக்கையில், ‘பொதுமக்கள் மற்றும் காவல்துறை வீரர்கள் மீதான கொடூரமான பயங்கரவாத தாக்குதலை வன்மையாக கண்டிக்கிறேன். வீரமரணமடைந்த விஷால் குமாரின் குடும்பத்தினருக்கு எனது ஆழ்ந்த இரங்கல்களை கூறுகின்றேன்.
காயமடைந்தவர்கள் விரைவில் குணமடைய பிரார்த்தனைகள். இழிவான தாக்குதல்களில் ஈடுபடுபவர்களுக்கு நமது பாதுகாப்புப் படைகள் தகுந்த பதிலடி கொடுக்கும்’ என குறிப்பிட்டுள்ளார்.
முன்னதாக, ஸ்ரீநகரில் உள்ள லால் சவுக்கில் உள்ள மைசுமா என்ற இடத்தில் தீவிரவாதிகள் நடத்திய தாக்குதலில் இரண்டு காவல்துறையினர் காயமடைந்தனர்.
பின்னர், தீவிரவாதிகள் நடத்திய தாக்குதலில் படுகாயம் அடைந்த இராணுவ வீரர் ஒருவர் சிகிச்சை பலனின்றி உயிரிழந்தார்.
இந்நிலையில், காஷ்மீர், பள்ளத்தாக்கில் தீவிரவாதிகள் நடத்திய தொடர் தாக்குதலில், ஷோபியானில் காஷ்மீரி பண்டிட் ஒருவர் பயங்கரவாதிகளால் சுட்டுக் கொல்லப்பட்டார்.
