கனடாவில் கைத்துப்பாக்கி உரிமையை முடக்குவதாக பிரதமர் ஜஸ்டின் அறிவிப்பு!

அமெரிக்காவில் 21பேரின் உயிரைக் காவுக்கொண்ட துப்பாக்கி சூட்டு சம்பவம் உலகளவில் பெரும் அதிர்வலையை ஏற்படுத்தியுள்ள நிலையில், அதன் அண்மைய நாடான கனடா, கைத்துப்பாக்கி உரிமையை முடக்குவதாக அறிவித்துள்ளது.

கனடாவில் கைத்துப்பாக்கிகளை பயன்படுத்த தடை விதிக்கும் சட்டமூலம் நாடாளுமன்றத்தில் நேற்று (திங்கட்கிழமை) தாக்கல் செய்யப்பட்டது.

இந்த நிறைவேற்றப்பட்டு சட்டம் அமுலுக்கு வரும் போது, கைத்துப்பாக்கிகளை வாங்க, விற்க இறக்குமதி செய்ய முடியாது. விளையாட்டு மற்றும் வேட்டைக்கு மட்டும் கைத் துப்பாக்கிகளை பயன்படுத்த அனுமதி அளிக்கப்படும்.

முன்மொழியப்பட்ட சட்டமானது, வீட்டு வன்முறையில் ஈடுபடுவோர் அல்லது அவர்களது துப்பாக்கி உரிமத்தைப் பின்தொடர்வதுடன், தமக்கோ அல்லது பிறருக்கோ ஆபத்து என்று கருதப்படுபவர்களிடமிருந்து துப்பாக்கிகளை எடுத்துச் செல்வதுடன், எல்லைப் பாதுகாப்பையும், துப்பாக்கிக் கடத்தலுக்கான குற்றவியல் தண்டனைகளையும் பலப்படுத்தும் எனவும் தெரிவிக்கப்பட்டுள்ளது.

மேலும், இது ஐந்து தோட்டாக்களுக்கு மேல் வைத்திருக்கும் திறன் கொண்ட நீண்ட துப்பாக்கி இதழ்களையும் தடை செய்யும் எனவும் குறிப்பிடப்பட்டுள்ளது.

இது குறித்து பிரதமர் ட்ரூடோ கூறுகையில், ‘கைத்துப்பாக்கி உரிமையில் தேசிய முடக்கத்தை அமல்படுத்துவதற்கான சட்டத்தை நாங்கள் அறிமுகப்படுத்துகிறோம்.

இதன் அர்த்தம் என்னவென்றால், இனி கனடாவில் எங்கும் கைத்துப்பாக்கிகளை வாங்கவோ, விற்கவோ, மாற்றவோ அல்லது இறக்குமதி செய்யவோ முடியாது. வேறுவிதமாகக் கூறினால், கைத்துப்பாக்கிகளுக்கான சந்தையை நாங்கள் கட்டுப்படுத்துகிறோம்’ என கூறினார்.

கடந்த 2020ஆம் ஆண்டு ஏப்ரல் மாதம் இடம்பெற்ற கனடாவின் மிக மோசமான துப்பாக்கிச் சூட்டில் 23பேர் கொல்லப்பட்ட சில நாட்களுக்குப் பிறகு, 1,500 வகையான இராணுவ தர அல்லது தாக்குதல் பாணி துப்பாக்கிகளுக்கு அரசாங்கம் தடை விதித்தது. ஆனால் துப்பாக்கி வன்முறை தொடர்ந்து அதிகரித்து வருகின்றது.

கனடாவில் நடக்கும் வன்முறைக் குற்றங்களில் துப்பாக்கிகள் தொடர்பான வன்முறைக் குற்றங்கள் மூன்று சதவீதத்திற்கும் குறைவானவை என்று அரசாங்கப் புள்ளியியல் நிறுவனம் கடந்த வாரம் தெரிவித்தது. ஆனால் 2009ஆம் ஆண்டிலிருந்து ஒருவர் மீது ஒருவர் சுட்டும் துப்பாக்கிகளின் தனிநபர் வீதம் கிட்டத்தட்ட மூன்று மடங்காக அதிகரித்துள்ளது.

நகர்ப்புறங்களில் துப்பாக்கி குற்றங்களில் கிட்டத்தட்ட மூன்றில் இரண்டு பங்கு கைத்துப்பாக்கிகள் சம்பந்தப்பட்டவை. அதேசமயம் பாதுகாப்பு அமைச்சர் மார்கோ மென்டிசினோ, கனடாவில் சுமார் ஒரு மில்லியன் கைத்துப்பாக்கிகள் இருப்பதாக மதிப்பிட்டுள்ளார்.