ரஷ்யாவுடன் நேட்டோ துருப்புக்கள் நேரடியாக மோதுவது உலகளாவிய பேரழிவிற்கு வழிவகுக்கும் என ரஷ்ய ஜனாதிபதி விளாடிமீர் புடின் தெரிவித்துள்ளார்.
கஸகஸ்தான் தலைநகர் அஸ்தானாவில் நடைபெற்ற முன்னாள் சோவியத் நாடுகளின் உச்சிமாநாட்டைத் தொடர்ந்து ஊடகங்களுக்கு கருத்து தெரிவிக்கையிலேயே அவர் இதனைத் தெரிவித்தார். இதன்போது அவர் மேலும் கூறுகையில்,
‘உக்ரைனுக்கு எதிராக இப்போதைக்கு இன்னும் பாரிய தாக்குதல்களை ரஷ்யா திட்டமிடவில்லை. ரஷ்யாவின் நோக்கம் நாட்டை அழிப்பது அல்ல.
இப்போது பாரிய தாக்குதல்கள் தேவையில்லை. இப்போதைக்கு மற்ற பணிகள் உள்ளன. பின்னர் அது தெளிவாகத் தெரியும்.
ரஷ்யாவுடன் நேட்டோ துருப்புக்கள் நேரடியாக மோதுவது உலகளாவிய பேரழிவிற்கு வழிவகுக்கும். இதைச் சொல்பவர்கள் அத்தகைய நடவடிக்கைகளை எடுக்காத அளவுக்கு புத்திசாலிகள் என்று நான் நம்புகிறேன்’ என கூறினார்.
மேலும், ரஷ்ய ஜனாதிபதி விளாடிமிர் புடினிடம், உக்ரைனில் நடந்த மோதலைப் பற்றி நீங்கள் வருத்தப்படுகிறீர்களா என்று கேட்டதற்கு, ரஷ்யா சரியானதைச் செய்கிறது என்று பதிலளித்தார்.
அத்துடன், ரஷ்யாவில் மேலும் ராணுவத்தை திரட்டும் திட்டம் எதுவும் இல்லை என் விளாடிமிர் புடின் கூறினார்.
புடின் கடந்த மாதம் அறிவித்த ‘பகுதி அணிதிரட்டல்’, 300,000 வீரர்களை ஆட்சேர்ப்பு செய்வதை இலக்காகக் கொண்டதாக பாதுகாப்பு அமைச்சு கூறியது.
இதுவரை, ரஷ்ய பாதுகாப்பு அமைச்சகம் 300,000 ஒதுக்கீட்டாளர்களில் 222,000 பேர் திரட்டப்பட்டுள்ளனர். மொத்தம் 33,000 பேர் ஏற்கனவே இராணுவப் பிரிவுகளில் உள்ளனர், மேலும் 16,000 பேர் உக்ரைனில் இராணுவ நடவடிக்கையில் ஈடுபட்டுள்ளனர்.
