ஆசியக் கிண்ண கிரிக்கெட் தொடரின் சுப்பர்-04 சுற்றின் 5ஆவது லீக் போட்டி, மழையின் குறுக்கீடு காரணமாக ஆரம்பமாவதில் தாமதம் ஏற்பட்டுள்ளது.
மிக முக்கிய போட்டியாக பார்க்கப்படும் இலங்கை மற்றும் பாகிஸ்தான் அணிகளுக்கிடையிலான இந்தப் போட்டி, கொழும்பு ஆர்.பிரேமதாஸ மைதானத்தில் நடைபெறுகின்றது.
இந்தப் போட்டியை பொறுத்தவரை இப்போட்டி இரு அணிகளுக்குமே மிக முக்கியமான போட்டியாக கருதப்படுகின்றது. இந்தப் போட்டியில் வெற்றிபெறும் அணி இறுதிப் போட்டிக்கு முன்னேறும்.
அதேவேளை இப்போட்டி மழையால் தடைப்பட்டு இரத்து செய்யப்பட்டால், புள்ளிகள் பகிரப்பட்டு இலங்கை அணி இறுதிப் போட்டிக்கு முன்னேறும்.
இரு அணிகளும் ஆசியக் கிண்ண வரலாற்றில் இதுவரை 17 முறை நேருக்கு நேர் மோதியுள்ளன. இதில் 12 முறை இலங்கை அணியும் 5 முறை பாகிஸ்தான் அணியும் வெற்றிபெற்றுள்ளன.
இலங்கை பாகிஸ்தான்
போட்டிகள் தடைப்படுமா!#SriLanka #pakistan #match #PAKvsSL #SLvsPak #lka pic.twitter.com/ct9xkbAjjc— Athavan News (@AthavanNews) September 14, 2023
