”இளைஞர்கள் தினமும் 12 மணிநேரம் மணி நேரம் உழைக்க வேண்டும்” என இன்போஸிஸ்(Infosys) நிறுவனத்தின் தலைவர் நாராயண மூர்த்தி தெரிவித்துள்ளார்.
அண்மையில் ஊடகமொன்றுக்கு வழங்கிய செவ்வியின் போதே அவர் இவ்வாறு தெரிவித்துள்ளார். இது குறித்து அவர் தெரிவித்துள்ளதாவது ”உலக நாடுகளுடன் ஒப்பிடும் போது இந்தியாவில் வேலை சார்ந்த உற்பத்தித்திறன் குறைவாக உள்ளது. கடந்த 30 ஆண்டுகளில் பெற்ற வளர்ச்சியை போல் இந்தியா மீண்டும் பெற வேண்டும் என்றால் இளைஞர்கள் தினமும் 12 மணிநேரம் உழைக்க வேண்டும்.
“நாம் பணி சார்ந்த உற்பத்தித் திறனை மேம்படுத்தாத வரையில், ஊழலைக் குறைக்காத வரையில், அதிகார வர்க்கத்தில் ஏற்படும் தாமதத்தைக் குறைக்காத வரையில் வளர்ந்த நாடுகளுடன் எம்மால் போட்டியிட முடியாது. எனவே எனது வேண்டுகோள் என்னவென்றால் இளைஞர்கள் வாரத்துக்கு 70 மணி நேரமாவது வேலை செய்ய வேண்டும். அது நடந்தால் தான் எமது நாடு பொருளாதார ரீதியாக வளர்ச்சி காண முடியும்.
2 ஆம் உலகப் போருக்கு பிறகு ஜப்பான் மற்றும் ஜேர்மனியில் இதுதான் நடந்தது. குறிப்பிட்ட ஆண்டு காலம் அனைத்து ஜேர்மனி மக்களும் கூடுதல் நேரம் வேலை செய்வதை உறுதி செய்தது. அந்த செயற்திறன் அங்கீகாரம் அளிக்கும், அது மரியாதையையும், அதிகாரத்தையும் வழங்கும். அப்போது தான் ஜிடிபி-யில் முதல் அல்லது 2 ஆவது இடத்தில் இந்தியாவால் இருக்க முடியும்.
இந்தியாவின் தொலைதூர கிராமத்தில் உள்ள ஏழை குழந்தையின் எதிர்காலம் நமது இளைஞர்களின் தோள்களில் உள்ளது. அந்த பொறுப்பை அவர்கள் உணர வேண்டும்” இவ்வாறு நாராயண மூர்த்தி தெரிவித்துள்ளார்.
