மேற்கிந்திய தீவுகள் தொடருக்கான 13 வீரர்கள் கொண்ட டெஸ்ட் அணியை அவுஸ்ரேலியா கிரிக்கெட் சபை அறிவித்துள்ளது. இரண்டு போட்டிகள் கொண்ட தொடர் ஜனவரி 17 ஆம் திகதி தொடங்குகிறது.
டேவிட் வோர்னரின் ஓய்வுக்குப் பிறகு கமரூன் கிரீன் அணிக்குள் உள்வாங்கப்பட்டுள்ள அதேநேரம் மத்தியூ ரென்ஷா அணியில் மீண்டும் அணியில் இடம்பிடித்திருகின்றார்.
பட் கம்மின்ஸ் தலைமையிலான அவுஸ்ரேலிய அணியில் ஸ்கொட் போலண்ட், அலெக்ஸ் கேரி, கமரூன் கிரீன், ஜோஷ் ஹசில்வுட், டிராவிஸ் ஹெட், உஸ்மான் கவாஜா, மார்னஸ் லாபுசாக்னே, நாதன் லியோன், மிட்செல் மார்ஷ், மேத்யூ ரென்ஷா, ஸ்டீவ் ஸ்மித், மிட்செல் ஸ்டார்க் ஆகியோர் இடம்பெற்றுள்ளனர்.
இதேநேரம் ஸ்டீவ் ஸ்மித் தலைமையிலான ஒருநாள் அணியில் சீன் அபோட், நாதன் எல்லிஸ், கமரூன் கிரீன், ஆரோன் ஹார்டி, டிராவிஸ் ஹெட், ஜோஷ் இங்கிலிஸ், மார்னஸ் லாபுசாக்னே, கிளென் மக்ஸ்வெல், லான்ஸ் மோரிஸ், ஜே ரிச்சர்ட்சன், மேட் ஷார்ட், அடம் சாம்பா ஆகியோர் இடம்பெற்றுள்ளனர்.
