கேப்டன் மில்லர் திரைப்படத்தை இணையத்தில் வெளியிட 1166 தளங்களுக்கு சென்னை உயர் நீதி மன்றம் தடை விதித்துள்ளது.
தகுந்த நடவடிக்கைகளை தனியார் மற்றும் அரசு இணையத்தள சேவைகள் வழங்கும் நிறுவனங்கள் மேற்கொள்ளவும் உத்தரவு பிறப்பிக்கப்பட்டுள்ளது.
கேப்டன் மில்லர் திரைப்படத்தை சட்டவிரோதமாக இணையதளங்களில் வெளியிடுவதை தடுக்க உத்தரவிடக் கோரி சத்யஜோதி பிலிம்ஸ் நிறுவனம் சென்னை உயர் நீதிமன்றத்தில் வழக்கு தொடர்ந்தது.
படத்தை சட்டவிரோதமாக வெளியிடுவதால், தயாரிப்பாளர், விநியோகஸ்தர்கள், திரையங்கத்தினர் உள்ளிட்ட பலரும் பாதிக்கப்படுவார்கள் என்பதால், தகுந்த தடை உத்தரவை பிறப்பிக்க வேண்டுமென கோரிக்கை வைத்ததற்கமைய குறித்த உத்தரவு பிறப்பிக்கப்ட்டுள்ளது.
சத்யஜோதி பிலிம்ஸ் தயாரிக்கும் இந்த திரைப்படத்திற்கு தணிக்கைகுழு யு ஏ சான்றிதழ் வழங்கியுள்ளது. அருண மாதேஷ்வரன் இயக்கியுள்ள கெப்டன் மில்லர் வரலாற்று பாணியில் அமைநதுள்ளது.
தனுஷ் , ப்ரியங்கா மோகன், நிவேதிதா சதீஷ் போன்றோர் முக்கிய கதாபாத்திரங்களில் நடித்துள்ளனர். பொங்கலை முன்னிட்டு எதிர்வரும் 12ஆம் திகதி கெப்டன் மில்லர் திரையரங்குகளில் வெளியாகவுள்ளது.
