இலங்கை போக்குவரத்துச் சபைக்குச் சொந்தமான பண்டாரவளை பேருந்து டிப்போ ஊழியர்கள் இன்று காலை பணிப்புறக்கணிப்பில் ஈடுப்பட்டிருந்தனர்.
இதனால் இன்று காலை தொடக்கம் அப்பகுதி பாடசாலை மாணவர்கள், அலுவலக ஊழியர்கள் எனப் பலரும் அசௌகரியங்களுக்கு முகங்கொடுத்துள்ளனர்.
இலங்கை போக்குவரத்துச் சபைக்குச் சொந்தமான பேருந்து ஊழியர்களுக்கும், தனியார் பேருந்து ஊழியர்களுக்கும் இடையில் நேற்று இடம்பெற்ற மோதல் கரணமாகவே அவர்கள் இவ்வாறு பணிப்புறக்கணிப்பில் ஈடுப்பட்டுள்ளதாக எமது செய்தியாளர் தெரிவித்தார்.
அத்துடன், மோதலில் காயமடைந்த இலங்கை போக்குவரத்துச் சபை ஊழியர்கள் இருவர் மற்றும் தனியார் பஸ் ஊழியர்கள் இருவர் என நால்வர் பண்டாரவளை வைத்தியசாலையில் அனுமதிக்கப்பட்டுள்ளனர்.
இந்நிலையில், நேர அட்டவணையில் ஏற்பட்ட சிக்கல் நிலை காரணமாக இந்த மோதல் ஏற்பட்டுள்ளதாக முதற்கட்ட விசாரணைகளில் தெரியவந்துள்ளது.
இதற்கமைய, இந்த மோதல் சம்பவம் தொடர்பான மேலதிக விசாரணைகளை பண்டாரவளை பொலிஸார் மேற்கொண்டு வருகின்றனர்.
