2024 ஆசியக் கோப்பை மகளிர் கிரிக்கெட் போட்டியில் மலேசிய மகளிர் அணிக்கு எதிரான போட்டியில் இலங்கை மகளிர் அணி 144 ஓட்டங்கள் வித்தியாசத்தில் இன்று வெற்றி பெற்றுள்ளது
இந்தப் போட்டியில் முதலில் துடுப்பெடுத்தாடிய இலங்கை மகளிர் அணி இருபது ஓவர்கள் நிறைவில் 4 விக்கெட்டுக்களை இழந்து 184 ஓட்டங்களைப் பெற்றது.
பின்னர் பதிலுக்கு துடுப்பெடுத்தாடிய மலேசிய மகளிர் அணி 19 ஓவர்கள் 5 பந்துகளில் 40 ஓட்டங்களை மட்டுமே பெற்றது
பந்துவீச்சில் இலங்கை மகளிர் அணி சார்பாக ஷஷினி ஜும்னி 3 விக்கெட்டுகளை வீழ்த்தியிருந்தார்.
இதேவேளை இலங்கை மகளிர் அணியின் தலைவி சாமரி அத்தபத்து ஆட்டமிழக்காமல் 119 ஓட்டங்களைப் பெற்றுக் கொண்டார்.
மேலும் ஆசிய கோப்பை மகளிர் டி20 போட்டியில் சதம் அடிக்கப்பட்ட முதல் சந்தர்ப்பம் இதுவாகும் என்றும் குறிப்பிடப்பட்டுள்ளது.
