நேபாளத்தில் இந்தியர்கள் உள்பட 40 பேருடன் பயணித்த பேருந்தொன்று ஆற்றில் கவிழ்ந்து விபத்துக்குள்ளானதில் 14 பேர் உயிரிழந்துள்ளனர்.
நேபாளத்தின் தனாஹுன் மாவட்டத்திலேயே இந்த விபத்து நேர்ந்துள்ளது.
இந்தியாவின் உத்தர பிரதேச பதிவெண் கொண்ட குறித்த பேருந்தானது, போகாராவில் இருந்து நேபாள தலைநகரான காத்மாண்டுவுக்கு செல்லும் போதே இந்த விபத்துக்கு உள்ளாகியுள்ளது.
அந்தவகையில்இ 40 பேருடன் பயணித்த குறித்த பேருந்து சாரதியின் கட்டுப்பாட்டை இழந்து மர்ஸ்யாங்டி ஆற்றில் கவிழ்ந்துள்ளதாக நேபாள பொலிஸார் தெரிவித்துள்ளனர்.
விபத்தில் 14 பேர் உயிரிழந்துள்ளதோடு, உயிரிழந்தவர்களில் இந்தியர்களே அதிகமானோர் என்று தெரிவிக்கப்பட்டுள்ளது.
மேலும், இந்த விபத்தில் காயமடைந்த பலர் உடனடியாக மீட்கப்பட்டு அருகில் உள்ள வைத்தியாலையில் சேர்க்கப்பட்டுள்ளனர்.
இவர்களின் சிலரின் நிலைமைக் கவலைக்கிடமாக இருப்பதால் உயிரிழப்புக்களின் எண்ணிக்கை அதிகரிக்கக்கூடும் என்றும் சம்பவம் தொடர்பான விசாரணைகள் ஆரம்பிக்கப்பட்டுள்ளதாகவும் நேபாள பொலிஸார் தெரிவித்துள்ளனர்.
