முன்னணி மின்சார வாகன தயாரிப்பாளர்களான டெஸ்லாவுடனான பலத்த போட்டிக்கு மத்தியில், சீனாவின் BYD Co. மின்சார வாகன தயாரிப்பாளர்கள் 2024 ஆம் ஆண்டின் பிற்பகுதியில் விற்பனையில் ஏற்றம் கண்டனர்.
BYD Co. நிறுவனம் கடந்த டிசம்பர் மாதத்தில் மாத்திரம் 207,734 மின்சார வாகனங்களை விற்பனை செய்துள்ளது.
அதேநேரம், மானியங்கள் மற்றும் தள்ளுபடிகள் மூலமாக கடந்த ஆண்டு மாத்திரம் 1.76 மில்லியன் மின்சார வாகன விற்பனையை நிறுவனம் பதிவு செய்துள்ளது.
வியாழன் பிற்பகுதியில் எலோன் மஸ்க் தலைமையிலான அமெரிக்க நிறுவனமான டெஸ்லா தனது சொந்த காலாண்டு விற்பனை புள்ளிவிவரங்களை வெளியிடவுள்ள நிலையில் BYD Co.வின் இந்த அறிவிப்பு வந்துள்ளது.
முந்தைய காலாண்டில் BYD ஐ விட மின்சார வாகன விற்பனையில் டெஸ்லா மிதமான முன்னேற்றத்தை கண்டது.
எனினும், சீனாவின் Shenzhen-ஐ தளமாகக் கொண்ட BYD நிறுனத்தின் மொத்த வாகன விற்பனை 2024 ஆம் ஆண்டில் 41% க்கும் அதிகமாக உயர்ந்துள்ளது.
2024 இன் மூன்றாம் காலாண்டில், BYD அதன் வருவாய்கள் உயர்ந்து, டெஸ்லாவை முதன்முறையாக வீழ்த்தியது.
இது ஜூலை மற்றும் செப்டம்பர் மாதங்களுக்கு இடையே 200 பில்லியன் யுவான் ($28.2bn, £21.8bn) வருவாயை பதிவு செய்தது.
இந்த எழுச்சி முக்கியமாக அதன் ஹைபிரிட் கார்களின் விற்பனையால் ஈர்க்கப்பட்டது.
வோக்ஸ்வேகன் மற்றும் டொயோட்டா போன்ற வெளிநாட்டு கார் தயாரிப்புகளுடனான பலத்த போட்டிகளுக்கு மத்தியில் BYD தனது 90% கார்களை சீனாவில் விற்பனை செய்கிறது.
எனினும், டெஸ்லா உலக சந்தையில் இன்னும் BYD ஐ விட அதிக மின்சார வாகனங்களை விற்பனை செய்து வருகிறது.
இந்த நிலையில், சீன கார் தயாரிப்பாளர்கள் நாட்டிற்கு வெளியே தங்கள் மின்சார வாகன விற்பனையை அதிகரிக்க முயற்சித்து வருகின்றனர்.
எனினும் சில முக்கிய சந்தைகளில் அவர்கள் பின்னடைவை எதிர்கொண்டுள்ளனர்.
கடந்த ஒக்டோபரில், சீனத் தயாரிப்பான மின்சார வாகனங்களின் இறக்குமதிக்கு ஐரோப்பிய ஒன்றியம் 45.3% வரையிலான வரி விதிப்பு முழுவதுமாக அமலுக்கு வந்தது.
அமெரிக்காவும் சீனாவில் இருந்து வரும் மின்சார வாகனங்களுக்கு 100% வரி விதித்துள்ளது மற்றும் அமெரிக்க ஜனாதிபதியாக தேர்ந்தெடுக்கப்பட்ட டொனால்ட் ட்ரம்ப் இறக்குமதி மீது கூடுதல் வரிகளை விதிக்கலாம் என்றும் எதிர்பார்க்கப்படுகிறது.
