இலங்கை ரக்பியின் பதிவை உடனடியாக நிறுத்தி வைக்கும் வர்த்தமானி அறிவிப்பை விளையாட்டுத்துறை அமைச்சர் சுனில் குமார கமகே வெளியிட்டுள்ளார்.
1973 ஆம் ஆண்டின் 25 ஆம் இலக்க விளையாட்டுச் சட்டத்தின் பிரிவு 32 மற்றும் 33 இன் கீழ் அறிவிக்கப்பட்ட இந்த இடைநீக்கம், இலங்கை ரக்பிக்கான தகுதிவாய்ந்த அதிகாரியாக பேராசிரியர் (ரியர் அட்மிரல்) ஷெமல் பெர்னாண்டோவின் நியமனத்தையும் இரத்து செய்கிறது.
அவர் 2024 மே 29, திகதியிட்ட முந்தைய வர்த்தமானியின் (எண் 2386/08) கீழ் நியமிக்கப்பட்டிருந்தார்.
தகுதிவாய்ந்த அதிகாரிக்குப் பதிலாக, இலங்கை ரக்பியின் புதிய அரசியலமைப்பை ஏற்றுக்கொள்வதற்கான வரையறுக்கப்பட்ட ஆணையுடன் ஐந்து உறுப்பினர்களைக் கொண்ட பணிக்குழுவை அமைச்சர் நியமித்துள்ளார்.
இந்த அரசியலமைப்பு உலக ரக்பியால் அமைக்கப்பட்ட அரசியலமைப்பு மறுஆய்வுக் குழுவால் தயாரிக்கப்பட்டு அனைத்து பங்குதாரர்களாலும் ஒப்புக் கொள்ளப்பட்டது.
அந் குழுவின் தலைவராக தேசிய விளையாட்டு கவுன்சிலின் தலைவர் பிரியந்த ஏகநாயக்க நியமிக்கப்பட்டுள்ளார்.
