2026 இந்தியன் பிரீமியர் லீக் தொடரில் நேற்றிரவு (29) நடந்தப் போட்டியில் ரியான் ரிகெல்டனின் அதிரடியான ஆட்டமிழக்காத சதம், ஹெயின்ரிச் கிளாசனின் ஆட்டமிழக்காத 65 ஓட்டங்களினால் வீணானது.
இதன் விளைவாக, சன்ரைசர்ஸ் ஹைதராபாத் அணி மும்பை இந்தியன்ஸை ஆறு விக்கெட் வித்தியாசத்தில் வீழ்த்தியது.
மும்பை, வான்கடே மைதானத்தில் நேற்றிரவு 07.30 மணிக்கு ஆரம்பமான இப் போட்டியில் நாணய சுழற்சியில் வெற்று பெற்று முதலில் துடுப்பெடுத்தாடிய மும்பை அணியானது 5 விக்கெட் இழப்பிற்கு 243 ஓட்டங்களை எடுத்தது.
ஆரம்ப வீராக களமிறங்கிய ரியான் ரிக்கல்டன் 55 பந்துகளில் 8 சிக்ஸர்கள், 10 பவுண்டரிகள் அடங்கலாக 123 ஓட்டங்களை ஆட்டமிழக்காது எடுத்தார்.
அவருக்கு அடுத்த படியாக வில் ஜாக்ஸ் 22 பந்துகளில் 46 ஓட்டங்களை எடுத்தார்.
பிரஃபுல் ஹிங்கே (2/54), ஈஷான் மலிங்க (1/29), சகிப் ஹசன் (1/39) மற்றும் நிதிஷ் குமார் ரெட்டி (1/31) ஆகியோர் சன்ரைசர்ஸ் ஹைதராபாத் அணிக்காக விக்கெட்டுகளை வீழ்த்தினர்.
சவாலான 244 ஓட்டங்கள் என்ற இலக்கைத் துரத்திய சன்ரைசர்ஸ் ஹைதராபாத் அணிக்கு, டிராவிஸ் ஹெட் (30 பந்துகளில் 76 ஓட்டம்) மற்றும் அபிஷேக் ஷர்மா (24 பந்துகளில் 45 ஓட்டம் ) ஆகியோர் தொடக்க விக்கெட்டுக்கு 129 ஓட்டங்களை சேர்த்து வலுவான அடித்தளத்தை அமைத்துக் கொடுத்தனர்.
பின்னர் கிளாசென் (30 பந்துகளில் 65 ஓட்டங்கள் ஆட்டமிழக்காமல்) தனது ஆல்-ரவுண்டர் அதிரடித் திறமையை வெளிப்படுத்தினார்.
நிதிஷ் குமார் ரெட்டி (21) மற்றும் சலில் அரோரா (10 பந்துகளில் 30 ஆட்டமிழக்காமல் ஓட்டங்கள்) ஆகியோரின் உதவியுடன் 18.4 ஓவர்களில் சன்ரைசர்ஸ் ஹைதராபாத் அணி நான்கு விக்கெட் இழப்புக்கு வெற்றி பெற்றது.
இந்த வெற்றியின் மூலம், ஹைதராபாத் அணி ஐபிஎல் வரலாற்றில் அதிகபட்ச வெற்றிகரமான ஓட்ட சேஸ்களில் ஒன்றை பதிவு செய்துள்ளது.
அதே நேரத்தில், ரிகல்டனின் வரலாற்றுச் சிறப்புமிக்க ஆட்டம் இருந்தபோதிலும், மும்பை அணி தனது நிலையற்ற இந்த சீசனில் மற்றொரு பின்னடைவைச் சந்தித்தது.
போட்டியின் ஆட்டநாயகனாக ஹெயின்ரிச் கிளாசன் தெரிவானார்.
