2026 இந்தியன் பிரீமியர் லீக் தொடரில் நேற்றிரவு (05) நடைபெற்ற போட்டியில் சென்னை சூப்பர் கிங்ஸ் அணி, டெல்லி கேப்பிட்டல்ஸ் அணியை எட்டு விக்கெட் வித்தியாசத்தில் வீழ்த்தியது.
156 ஓட்டம் என்ற இலகுவான இலக்கினை துரத்திய சென்னை அணிக்கு சஞ்சு சாம்சன் ஆட்டமிழக்காமல் 87 ஓட்டங்களை பெற்றுக் கொடுத்தார்.
சஞ்சு சாம்சனின் இந்த ஆட்டம் வெறும் 52 பந்துகளில் ஏழு பவுண்டரிகள் மற்றும் ஆறு சிக்ஸர்களுடன் வந்தது.
அவர் இன்னிங்ஸ் முழுவதும் ஆதிக்கம் செலுத்த சென்னை அணி வெறும் 17.3 ஓவர்களில் இலக்கை விரட்டிப் பிடித்து, தங்களது நிகர ஓட்ட விகிதத்திற்குப் பெரும் ஊக்கமளித்தது.
டெல்லி, அருண் ஜெட்லி மைதானத்தில் நேற்றிரவு 07.30 மணிக்கு ஆரம்பமான இப் போட்டியில் நாணய சுழற்சியில் வெற்றி பெற்ற டெல்லி கேபிட்டல்ஸ் அணியானது முதலில் துடுப்பெடுத்தாடுவதற்கு தீர்மானித்தது.
சவாலான ஆடுகளத்தில் அவர்கள், 7 விக்கெட் இழப்பிற்கு 155 ஓட்டங்களை மட்டுமே எடுத்தனர்.
11 ஓவர்களில் 69 ஓட்டங்களுக்கு 5 விக்கெட்டுகளை இழந்து தடுமாறிய டெல்லி அணி, டிரிஸ்டன் ஸ்டப்ஸ் (38 ஓட்டம்) மற்றும் சமீர் ரிஸ்வி (40 ஓட்டம்) ஆகியோர் இணைந்து 47 பந்துகளில் 65 ஓட்டங்கள் என்ற முக்கியமான இணைப்பாட்டத்தை அமைத்தமை இன்னிங்ஸிற்கு ஒரு கெளரவ ஓட்ட எண்ணிக்கையை எட்ட உதவியது.
போட்டியின் ஆட்டநாயகனாக சஞ்சு சாம்சன் தெரிவானார்.
