இப்பருவகாலத்திற்கான யுஎப்ஆ ஐரோப்பிய லீக் இறுதிப்போட்டியில் பிரைபேர்க் அணியை 3-0 என வீழ்த்தி எஸ்டன் வில்லா அணி சம்பியன் பட்டத்தை கைப்பற்றி அசத்தியது.
2025 மற்றும் 2026 பருவகாலத்திற்கான யுஎப்ஆ ஐரோப்பிய லீக் போட்டி ஐரோப்பிய கழகங்களுக்கிடையில் நடைபெற்று வந்தது. 36 கழகங்கள் கலந்துகொண்ட இப் போட்டியின் இறுதிப்போட்டிக்கு பிரைபேர்க் மற்றும் எஸ்டன் வில்லா அணிகள் இறுதிப்போட்டிக்கு தகுதிப்பெற்றிருந்தன, இவ்விரு அணிகளுக்குமிடையிலான இறுதிப்போட்டி துருக்கியின் தலைநகர் இஸ்தான்புலில் உள்ள பெசின்டாஸ் பார்க் அரங்கில் பல்லாயிரக்கணக்கான ரசிகர்கள் புடைசூழ நடைபெற்றது. பல நாடுகளில் இருந்து ரசிகர்கள் இறுதிப்போட்டியை காண வருகைதந்திருந்தனர்.
இந்நிலையில் போட்டி தொடங்கி 40வது நிமிடத்தில் முன்னனி கழகமான எஸ்டன் வில்லா அணியின் யூரி டைலெமென்ஸ் தனது அணியின் முதல் கோலினை பதிவு செய்து 1-0 என முன்னிலைப்படுத்தி அசத்தினார்.
இந்நிலையில் முதல் பாதி முடிவடைய சில நிமிடங்களே இருந்த நிலையில் எமிலியானோ புஆன்டியா இரண்டாவது கோலினை பதிவு செய்து எஸ்டன் வில்லா அணியை 2-0 என முன்னிலைப்படுத்தி அசத்தினார்.
இதற்கு பதிலடி கொடுக்க பிரைபேர்க் அணி மேற்கொண்ட முயற்சி பலனளிக்காத நிலையில் இரு அணிகளுக்குமிடையிலான இரண்டாவது பாதி ஆட்டம் தொடங்கியது.
போட்டியின் 57வது நிமிடத்தில் மோர்கன் ரோஜர்ஸ் தனது பங்கிற்கு ஒரு கோலினை பதிவு செய்ய எஸ்டன் வி;;ல்லா அணியின் கோல் எண்ணிக்கை 3ஆக உயர்ந்தது.
ஒரு கோலினையாவது பிரைபேர்க் அணி பதிவு செய்யாதா என அவ்வணியின் ரசிகர்கள் காத்திருந்த நிலையில் இறுதிவரை அவர்களின் முயற்சிக்கு பலன் கிடைக்கவில்லை, இறுதியில் 3-0 என பிரைபெர்க் அணியை வீழ்த்தி எஸ்டன் வில்லா அணி 30வருட காத்திருப்புக்கு பின்னர் கிண்ணத்தை வென்று சாதனை படைத்தது.
