கடந்த சில நாட்களுக்கு முன்பு பருத்தித்துறை முனை மற்றும் கற்கோவளம் ஆகிய பகுதிகளில் இருந்து கடற்தொழிலுக்குச் சென்ற மனவர்கள் இதுவரை கரை திரும்பாததால் அப்பகுதியில் தொடர்ந்து பதற்றமான சூழ்நிலை நிலவி வருகிறது.
இதனைத் தொடர்ந்து இலங்கை கடற்தொழில் மற்றும் நீரியல் மூலவளங்கள் அமைச்சர் சந்திரசேகர் அப்பகுதிக்கு நேரில் விஜயம் செய்து, காணாமல் போன மீனவர்களின் உறவினர்களையும் சக கடற்தொழிலாளர்களையும் சந்தித்துக் கலந்துரையாடினார்
இந்தச் சந்திப்பின் போது பாதிக்கப்பட்ட குடும்பத்தினருக்கும் ஊடகங்களுக்கும் கருத்துத் தெரிவித்த கடற்தொழில் அமைச்சர் பின்வரும் உறுதிமொழிகளை வழங்கினார்:
காணாமல் போன மீனவர்களுக்கு வங்கிப் பாக்கிக் கடன்கள் இருக்கும் பட்சத்தில் அவற்றைச் செலுத்துவதற்குரிய அல்லது தீர்ப்பதற்குரிய உரிய நடவடிக்கைகளை அமைச்சரவை முன்னெடுக்கும்.
படகுகள் மற்றும் இயந்திரங்கள்: கடற்தொழில் படகுகள் அல்லது இயந்திரங்கள் சேதமடைந்திருந்தால்இ அவற்றைச் சீரமைத்துத் தருவதற்கு அரசாங்கம் உரிய நடவடிக்கை எடுக்கும்
கல்வி மற்றும் வேலைவாய்ப்பு: காணாமல் போன மீனவர்களின் பிள்ளைகளின் கல்வி நடவடிக்கைகளுக்கு முன்னுரிமை வழங்கப்படும். அத்துடன் அவர்களது குடும்பத்தினரின் வாழ்வாதாரத்தை மேம்படுத்தும் நோக்கில் முன்னுரிமை அடிப்படையில் வேலைவாய்ப்புகளும் பெற்றுத் தரப்படும்.
இந்த அரசாங்கமும் கடற்தொழில் அமைச்சும் எப்போதும் உங்களுடனேயே இருக்கும். பாதிக்கப்பட்ட மக்களுக்குத் தேவையான அனைத்து உதவிகளையும் செய்ய நாம் கடமைப்பட்டுள்ளோம்’ என்று அமைச்சர் ஆறுதல் கூறினார்.
மீனவர்களின் நிலை குறித்துப் பல்வேறு தரப்பினரும் பல்வேறு கருத்துக்களைத் தெரிவித்து வரும் நிலையில், அமைச்சர் அது குறித்துப் பேசுகையில்:
‘கடந்த சில மாதங்களுக்கு முன்பு தென்னிலங்கையில் இதேபோன்றதொரு சம்பவம் நடைபெற்றது. அச்சம்பவம் நடந்து ஆறு மாதங்களுக்குப் பின்னரேஇ மடகாஸ்கர் பகுதியில் அந்த மீனவர்கள் உயிருடன் இருப்பது கண்டறியப்பட்டு மீட்கப்பட்டனர். எனவேஇ அந்த அனுபவத்தின் அடிப்படையில்இ குறிப்பிட்ட காலம் கடந்த பின்னரே இந்த மீனவர்களின் நிலை குறித்து இறுதி முடிவுக்கு வர முடியும்’ எனத் திட்டவட்டமாகக் குறிப்பிட்டார்.
மேலும் முறையான விபரங்கள் அறியப்பட்டு இறுதி முடிவுக்கு வந்த பின்னர் பாதிக்கப்பட்ட குடும்பங்களின் வாழ்வாதார மேம்பாடு மற்றும் அபிவிருத்தி சார்ந்த அனைத்து உதவிகளையும் அரசாங்கம் செய்யும் என்றும் அவர் உறுதியளித்தார்.
இந்தச் சந்திப்பின் போது யாழ்ப்பாண மாவட்ட நாடாளுமன்ற உறுப்பினர் இளங்குமரன் வடமராட்சி வடக்கு கடற்தொழில் கூட்டுறவுச் சங்கங்களின் தலைவர் விஜய், தேசிய மக்கள் சக்தியின் கட்சியின் பிரதிநிதிகள் மற்றும் பொதுமக்கள் எனப் பலரும் கலந்துகொண்டனர்.
