அமெரிக்காவில் நிதி மோசடி வழக்கில் தண்டனை பெற்ற தனது நெருங்கிய சகாவிடமிருந்து பெற்ற நிதிப் பலன்கள் மற்றும் சலுகைகளை நாடாளுமன்றத்தில் முறைப்படி அறிவிக்கவில்லை என்ற குற்றச்சாட்டை ரிஃபார்ம் யுகே (Reform UK) கட்சியின் தலைவர் நைஜல் ஃபரேஜ் (Nigel Farage) திட்டவட்டமாக மறுத்துள்ளார்.
அமெரிக்காவில் மோசடி வழக்கில் முன்னதாகத் தண்டனை பெற்ற ஜார்ஜ் காட்ரெல் (George Cottrell) என்பவர், நைஜல் ஃபரேஜ் நாடாளுமன்ற உறுப்பினராகத் தேர்ந்தெடுக்கப்படுவதற்கு முந்தைய ஓராண்டு காலத்தில், அவருக்குப் பல்வேறு உதவிகளை வழங்கியதாக ‘தி சண்டே டைம்ஸ்’ (The Sunday Times) செய்தி வெளியிட்டுள்ளது.
இக்குற்றச்சாட்டுகளுக்குப் பதிலளித்துள்ள நைஜல் ஃபரேஜ், தான் அனைத்து விதிகளையும் முறைப்படி பின்பற்றியுள்ளதாகக் கூறியுள்ளார்.
மேலும், தன் மீதான இந்த விமர்சனங்கள் தன்னை வீழ்த்துவதற்காக அதிகார வர்க்கத்தினரால் திட்டமிட்டு நடத்தப்படும் ஒரு சதி என்றும் அவர் சாடியுள்ளார்.
ஏற்கனவே, ரிஃபார்ம் யுகே கட்சியின் கோடீஸ்வர நன்கொடையாளர் ஒருவரிடமிருந்து பெற்ற £5 மில்லியன் மதிப்பிலான பரிசைப் பதிவு செய்யாதது தொடர்பாகவும் ஃபரேஜ் நாடாளுமன்ற விசாரணையை எதிர்கொண்டு வரும் நிலையில், தற்போது இந்த புதிய குற்றச்சாட்டும் அவர் மீது எழுந்துள்ளமை குறிப்பிடத்தக்கது.
