கண்டியில் உள்ள பழைய சிறைச்சாலைக்கு முன்பாக இருந்த நடைபாதையின் ஒரு பகுதி இன்று (29) காலை தாழிறங்கியதில் நான்கு பேர் காயமடைந்து கண்டி தேசிய வைத்தியசாலையில் அனுமதிக்கப்பட்டுள்ளனர்.
காயமடைந்தவர்களில், சம்பவம் நடந்தபோது அந்த நடைபாதையில் நடந்து சென்று கொண்டிருந்த மூன்று ஆண்களும் ஒரு பெண்ணும் அடங்குவர்.
அருகிலுள்ள கடை ஒன்றின் முன்பாக இருந்த நடைபாதையின் ஒரு பகுதி திடீரென தாழிறங்கி இடிந்து விழுந்தது.
கடைகளுக்குப் பின்னால் ஓடும் கால்வாயில் பாயும் நீரினால் நடைபாதைக்கடியில் உள்ள மண் அரிப்புக்குள்ளானதே இந்த இடிந்து விழுதலுக்கான காரணமாக இருக்கலாம் என்று அப்பகுதி மக்கள் சந்தேகிக்கின்றனர்.
சம்பவம் குறித்து சம்பந்தப்பட்ட அதிகாரிகள் மேலதிக விசாரணைகளை மேற்கொண்டு வருகின்றனர்.
