அடுத்த ஆண்டு மார்ச் மாதத்திற்குள் கல்விச் சேவையில் 30,000 ஆசிரியர்களை பணியமர்த்துவதற்கான திட்டங்களை பிரதமர் ஹரிணி அமரசூரிய இன்று அறிவித்தார்.
இதில், இந்த ஆண்டிலேயே 23,000 பட்டதாரிகளை ஆசிரியர்களாக சேவையில் இணைக்கத் திட்டமிட்டுள்ளதாகவும் அவர் குறிப்பிட்டார்.
பதுளையில் நடைபெற்ற ‘தேசிய மக்கள் சக்தி’யின் மாநாட்டில் உரையாற்றும் போது பிரதமர் இதனைக் குறிப்பிட்டார்.
23,000 பட்டதாரி ஆசிரியர்களைத் தேர்ந்தெடுப்பதற்கான நேர்காணல்கள் இந்த ஆண்டு நவம்பர் 20 ஆம் திகதி தொடங்கவுள்ளது.
மேலும், கல்வியற் கல்லூரிகளில் (Colleges of Education) டிப்ளோமா பட்டம் பெற்ற 6,000 பேர், அடுத்த ஆண்டு பெப்ரவரி மாதத்திற்குள் கல்விச் சேவையில் இணைத்துக்கொள்ளப்படுவார்கள.
இவர்களுடன், கல்வி இளங்கலை (BEd) தகுதி பெற்றவர்களும் ஆசிரியர்களாக நியமிக்கப்படுவார்கள்.
இதன் மூலம் அடுத்த ஆண்டு மார்ச் மாதத்திற்குள் மொத்தம் 30,000 புதிய ஆசிரியர்கள் பணியில் அமர்த்தப்படுவார்கள் என்றும் பிரதமர் இதன்போது மேலும் கூறினார்.
