டிலுக்ஷா
பிரித்தானியாவின் தென்மேற்குப் பகுதிகளில் நாளை பலத்த மழை வீழ்ச்சி பதிவாகும் சாத்தியம் காணப்படுவதாக அந்நாட்டு வானிலை ஆய்வு மையம் எச்சரிக்கை விடுத்துள்ளது.
குறிப்பாக டெவொன் (Devon) மற்றும் கோர்ன்வோல் (Cornwall) பகுதிகளில் காலை 6 மணி முதல் நள்ளிரவு வரை இந்த எச்சரிக்கை அமுலில் இருக்கும் என அறிவிக்கப்பட்டுள்ளது.
டார்ட்மூர் (Dartmoor) பகுதியில் 100 மில்லிமீற்றரிலும் அதிகரித்த மழை வீழ்ச்சி எதிர்பார்க்கப்படுகிறது.
இதனால் வெள்ளப்பெருக்கு ஏற்படுவதுடன், போக்குவரத்துப் பாதிப்புகள் மற்றும் மின்சாரத் தடைகள் ஏற்படக்கூடும் எனவும் எச்சரிக்கப்பட்டுள்ளது.
இதனிடையே, வடமேற்கு மற்றும் வடகிழக்கு இங்கிலாந்து உள்ளிட்ட பகுதிகளில் நிலவும் கடும் குளிரான காலநிலை காரணமாக, சுகாதார எச்சரிக்கையும் எதிர்வரும் செவ்வாய்க்கிழமை காலை வரை நீடிக்கப்பட்டுள்ளது.













