1974-ஆம் ஆண்டு பர்மிங்காம் ( Birmingham ) மதுபான விடுதி குண்டுவெடிப்புகளில் கொல்லப்பட்டவர்களின் குடும்பத்தினர், பொது விசாரணை நடத்தக் கோரி தொடர்ந்து வலியுறுத்தி வரும் நிலையில், பிரதமர் அவர்களைச் சந்திக்க உள்ளார்.
பாதிக்கப்பட்ட குடும்பங்கள் தங்கள் கோரிக்கைகளை பிரதமரிடம் முன்வைக்க சந்தர்ப்பம் வழங்குமாறு வலியுறுத்திய நிலையில் இந்த அறிவிப்பு வெளியாகியுள்ளது.
புத்தாண்டு தொடக்கத்தில் பர்மிங்காமில் குடும்பத்தினரை பிரதமர் சந்திப்பார் என தெரிவிக்கப்படுகிறது.
நகரின் மையப்பகுதியில் உள்ள மதுபான விடுதிகளில் இரண்டில் இந்த குண்டுகள் வெடிப்பு சம்பவம் இடம்பெற்றது. குண்டுவெடிப்பில் 21 பேர் கொல்லப்பட்டுடன் 220 பேர் காயமடைந்தனர்.
குண்டுவெடிப்பு சம்பவத்தின் 52 ஆவது ஆண்டு நினைவு தினம் இன்று அனுசரிக்கப்படுகிறது. இச்சம்பவம் தொடர்பில் இதுவரை எவரும் தண்டிக்கப்படவில்லை.
சம்பவம் தொடர்பில் ஆறு பேர் குற்றவாளிகளாக அறிவிக்கப்பட்டனர், இருப்பினும் 1991 ஆம் ஆண்டு அவர்களுடைய தண்டனைகள் இரத்து செய்யப்பட்டன.












