ஆந்திராவின் துணை முதலமைச்சராக பதவியேற்றுள்ள பவன் கல்யாண், நடிகர் சிரஞ்சிவியின் காலில் விழுந்த சம்பவம் நெகிழ்ச்சியை ஏற்படுத்தியுள்ளது.
ஆந்திர சட்டப்பேரவை தேர்தலில் தெலுங்கு தேசம் தலைமையிலான கூட்டணி கட்சிகள் வெற்றி பெற்றதைத் தொடர்ந்து ஆந்திர மாநிலத்தின் முதலமைச்சராக சந்திர பாபு நாயுடு தெரிவு செய்யப்பட்டார்.
இதனையடுத்து சந்திரபாபு நாயுடு ஆந்திர முதலமைச்சராக நான்காவது முறையாக இன்று காலை 11.27 மணிக்கு விஜயவாடாவில் பதவியேற்றார்.
இதேவேளை துணை முதலமைச்சராக பவன் கல்யாணும் பதவியேற்றுக் கொண்டார்.
இந்நிலையில் பவன் கல்யாண் பதவியேற்ற வேளை விழா மேடையில் வைத்து தனது சகோதரனான நடிகர் சிரஞ்சிவியின் காலில் விழுந்து ஆசிர்வாதம் பெற்றுக்கொண்டார்.
குறித்த சம்பவமானது தற்போது சமூக ஊடகங்களில் வைரலாகி வருகின்றது.
இவ்விழாவிற்கு சிறப்பு விருந்தினராக பிரதமர் மோடி, மத்திய உட்துறை அமைச்சர் அமித் ஷா, நடிகர்களான ரஜினி காந்த், சிரஞ்சீவி மற்றும் பல அரசியல், சினிமா பிரமுகர்கள் கலந்து கொண்டிருந்தமை குறிப்பிடத்தக்கது.
வீடியோ மூலம் – Thanthi TV
