கொழும்பின் சில பகுதிகளில் 15 மணித்தியாலங்களுக்கு நீர்வெட்டு அமுல்படுத்தப்பட்டுள்ளதாக தேசிய நீர் வழங்கல் மற்றும் வடிகாலமைப்பு சபை தெரிவித்துள்ளது.
அதன்படி, இன்று (ஞாயிற்றுக்கிழமை) காலை 9.00 மணி முதல் நள்ளிரவு 12.00 மணி வரையான காலப்பகுதியில் இவ்வாறு நீர்வெட்டு அமுல்படுத்தப்பட்டுள்ளது.
கொழும்பு 01, கொழும்பு 03, கொழும்பு 09, கொழும்பு14 மற்றும் கடுவெல ஆகிய பகுதிகளிலேயே இவ்வாறு நீர்வெட்டு அமுல்படுத்தப்பட்டுள்ளது.
அதேபோல கொழும்பு 02, கொழும்பு 07, கொழும்பு 08 மற்றும் கொழும்பு 10 ஆகிய பகுதிகளுக்கு குறைந்த அழுத்தத்தில் நீர் விநியோகிக்கப்படும் என தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
அவசர திருத்தப் பணிகள் காரணமாக இவ்வாறு நீர் நீர்வெட்டு அமுல்படுத்தப்பட்டுள்ளதாக அந்தச் சபை மேலும் தெரிவித்துள்ளது.
