பிரேஸில் உட்பட 12 நாடுகளுக்கு பயணத் தடை விதித்து பாகிஸ்தான் அரசு அறிவிப்பு வெளியிட்டுள்ளது.
கொரோனா வைரஸ் பாதிப்பு அதிகம் உள்ள பிரேசில், போட்ஸ்வானா, கொலம்பியா, தென்னாப்பிரிக்கா, தான்சானியா, பெரு, கொமொரோஸ், கானா, கென்யா, மொசாம்பிக், ருவாண்டா மற்றும் சாம்பியா ஆகிய 12 நாடுகளுக்கே இவ்வாறு பயண தடை விதிக்கப்படுவதாக பாகிஸ்தான் அரசு அறிவித்துள்ளது.
இந்தத் தடை நாளை (செவ்வாய்க்கிழமை) முதல் எதிர்வரும் மாதம் 5ஆம் திகதி வரை அமுலில் இருக்கும் என்றும் அறிவிக்கப்பட்டுள்ளது.
பாகிஸ்தானில் கொரோனா வைரஸினால் பாதிக்கப்பட்டவர்களின் எண்ணிக்கை நாளுக்கு நாள் அதிகரித்து வருகிறது.
குறிப்பாக அந்த நாட்டு பிரதமர் இம்ரான் கானுக்கும் கொரோனா வைரஸ் தொற்று உள்ளமை நேற்று முன்தினம் உறுதி செய்யப்பட்டது.
இந்த நிலையிலேயே, வைரஸ் பரவலைக் கட்டுப்படுத்தும் நோக்கில் பிரேஸில் உள்ளிட்ட நாடுகளில் இருந்து பயணிகள் பாகிஸ்தான் வருவதற்கு தடை விதிக்கப்பட்டுள்ளது.
