26 நாடுகளின் பயணிகள் தங்களை 14 நாட்கள் ஹோட்டல் விடுதிகளில் தனிமைப்படுத்திக் கொள்ள வேண்டும் என அயர்லாந்து அரசாங்கம் அறிவித்துள்ளது.
கொரோனா வைரஸ் பரவலை கட்டுப்படுத்தும் முன்னெச்சரிக்கை நடவடிக்கைகளில் ஒன்றாக இந்த அறிவிப்பு பார்க்கப்படுகின்றது.
இதன்படி, அல்பேனியா, அண்டோரா, அரூபா, பஹ்ரைன், போனைர், சிண்ட் யூஸ்டேடியஸ் மற்றும் சாபா, இஸ்ரேல், ஜோர்தான், கோசோவோ, குவைத், லெபனான், மால்டோவா, மோனாகோ, மாண்டெனெக்ரோ, நைஜீரியா, வடக்கு மாசிடோனியா, ஓமன், பாலஸ்தீன், பிலிப்பைன்ஸ், போர்டா ரிக்கோ, கட்டார், செயிண்ட் லூசியா, சான் மாரினோ, செர்பியா, சோமாலியா, வாலிஸ் மற்றும் ஃபுட்டுனா தீவுகள் ஆகிய நாடுகளை சேர்ந்தவர்கள் தனிமைப்படுத்த கோராப்படுகின்றனர்.
மேலும் சில நாடுகள் இந்த பட்டியலில் இடம்பெற வாய்ப்புள்ளதாகவும், அது குறித்த அறிவிப்பு விரைவில் வெளியாகும் எனவும் அயர்லாந்து நாட்டின் சுகாதாரத்துறை அமைச்சகம் மற்றும் வெளியுறவுத்துறை அமைச்சகம் ஆகியவை இணைந்து வெளியிட்டுள்ள அறிக்கையில் தெரிவிக்கப்பட்டுள்ளது.
