காஷ்மீர்- குல்காம் மாவட்டத்தின் அகர்பால் பகுதியிலுள்ள தீவிரவாதிகளின் மறைவிடங்களில் இருந்து ஏராளமான ஆயுதங்களை பாதுகாப்பு படையினர் பறிமுதல் செய்துள்ளனர்.
குறித்த பகுதியில் தீவிரவாதிகள் பதுங்கியுள்ளதாக பாதுகாப்புப் படையினருக்கு இரகசிய தகவல் வழங்கப்பட்டுள்ளது.
குறித்த தகவலுக்கமைய இராணுவம், பொலிஸார் ஆகியோர் உள்ளடங்கிய கூட்டுப் படையினர் தேடுதல் நடவடிக்கையில் ஈடுபட்டிருந்தனர்.
இதன்போது, ஏகே 47 ரக துப்பாக்கிகளின் தோட்டாக்கள், இயந்திரத் துப்பாக்கிகள், படுக்கை விரிப்புகள், கையெறி குண்டுகள், கைத்துப்பாக்கிகள், தொழில் பாதுகாப்புப் படையின் ஆடைகள் ஆகியவற்றை இவர்கள் பறிமுதல் செய்துள்ளனர்.
மேலும் பாரமுல்லா மாவட்டத்தில், கையெறி குண்டுகள் வைத்திருந்த குற்றச்சாட்டில் ஹிஸ்புல் முஜாஹிதீன் இயக்கத் தீவிரவாதி ஒருவரை, படையினர் கைது செய்துள்ளமை குறிப்பிடத்தக்கது.
