ஆந்திராவில் ஆதரவற்று தவிக்கும் குழந்தைகளுக்கு நிவாரணம் வழங்க நடவடிக்கை!

ஆந்திராவில் கொரோனா தொற்றினால் பெற்றோரை இழந்து தவிக்கும் குழுந்தைகளுக்கு நிவாரணத்தொகை வழங்க வழிவகை செய்யப்பட்டுள்ளது.

இதன்படி குறித்த குழுந்தைகளுக்கு 10 இலட்சம் ரூபாய் வங்கி கணக்கில் வைப்பிலிடப்படவுள்ளதாக அறிவிக்கப்பட்டுள்ளது.

இது குறித்து அம்மாநில அரசு வெளியிட்டுள்ள அறிக்கையில், ‘கொரோனா பெருந் தொற்றின் 2 ஆவது அலையில், ஆந்திரப்பிரதேசத்தில் பெற்றோரை இழந்து, ஆதரவற்று நிற்கும் குழந்தைகளின் எதிர்காலம் ஆபத்தில் உள்ளதாக தெரிவிக்கப்பட்டுள்ளது.

இதனை புரிந்து கொண்டு ஒவ்வொரு குழந்தைக்கும் 10 இலட்சம் ரூபாய் வைப்பிலப்படவுள்ளது. இதற்கான பணிகளை உடனடியாக மேற்கொள்ளும்படி அதிகாரிகளுக்கு முதலமைச்சர் உத்தரவிட்டுள்ளார்’ எனத் தெரிவிக்கப்பட்டுள்ளது.